Kontakt Home iPhone 13 Mini çatdırılma ilə təklif edir. Smarfonun Super Retina XDR displeyi görüntünü parlaq və detallı ötürür. A15 Bionic çipi ilə yüksək məhsuldarlıq təmin edilir.

Balaca smartfon güclü ola bilər? Əgər bu smartfon iPhone 13 Mini-dirsə ola bilər. Yüksək məhsuldarlığa, sürətə və tükənməyən enerjiyə sahib cihaz qısa müddət ərzində istifadəçi məmnuniyyətini qazana bilib.

Görünüş və Ekran

Sevdiyiniz rəng yaşıldırsa iPhone 13 Mini Green sizin üçündür. Keyfiyyətli materiallardan hazırlanan gövdəsi sayəsində smartfonu əlinizdən buraxmaq istəməyəcəksiniz. Telefonun arxa hissəsi cızıqlara davamlı şüşə ilə örtülüb. Ön panel Apple şirkətinin innovasiyası olan Ceramic Shield materialından hazırlanıb. Smartfon əlinizdən yerə düşsə ekran zədələnməyəcək. Hər iki panel bir-birinə alüminium çərçivə ilə birləşdirilib. iPhone Mini ilə yağışa düşməkdən qorxmayacaqsınız. IP68 qorunma dərəcəsi daxili detalları sudan etibarlı şəkildə qoruyur. Super Retina XDR displey oyun oynamaq, video izləmək üçün optimal ölçülərə sahibdir. Rəngləri daha parlaq ötürən ekran dinamik səhnələrdə belə görüntünü detallı təsvir edir.

Prosessor və Avtonomluq

Yeni iPhone Mini modelinin məhsuldarlığına Apple A15 Bionic çipi cavabdehdir. Bu çip kameraların keyfiyyətini artırıb, qrafikanın emalını sürətləndirib və Dolby Vision standartında videoların çəkilməsi üçün imkan yaradıb. Bundan başqa A15 təhlükəsizlik sisteminin işini təkmilləşdirib. Onun köməkliyi ilə parlaq ekran enerjini daha effektiv sərf edir. Bütün sadalanan proseslərin sürətli yerinə yetirilməsi prosessorla yanaşı 4 GB operativ yaddaş sayəsində mümkün olub. 256 GB daxili yaddaş lazım olan tətbiqlərin yüklənilməsi, şəkillərin, videoların saxlanılması üçün kifayətdir. Batareyanın həcmi 2438 mAh təşkil edir. Nəticədə, günün sonunadək smartfon enerjisiz qalmayacaq.

Kameralar

Yenilənmiş kamera sistemi ilə bir toxunuşa peşəkar keyfiyyətli şəkillər yaradın. Ən əsası, parlaqlığı, kontrastı saatlarla tənzimləmək lazım olmayacaq. A15 çipi bütün işi sizin yerinizə görəcək. Geniş və ultra geniş bucaqlı kameralar günün istənilən vaxtı aydın və detallı şəkillər yaradır.

Yeni "Kinoeffekt" rejimi ilə ailə üzvlərinizi çəkdiyiniz filmin baş qəhrəmanlarına çevirəcəksiniz. Məşhur rejissorların tez-tez istifadə etdiyi üsul sayəsində fokusu bir obyektdən ikincisinə yönəltmək olar. Daha effektiv səhnələr üçün çəkiliş zamanı və ya çəkilişdən sonra arxa fonu bulanıq etmək olar.

"Gecə" rejimi sayəsində günəş batandan sonra belə aydın və detallı şəkillər yaratmaq mümkündür. Xırda, lakin vacib olan detalların əks edilməsi üçün "Deep Fusion" texnologiyasından yararlanın. Onun köməkliyi ilə istənilən tekstur mükəmməl ötürülür.