Xiaomi Redmi 10 C smartfonu Mint Green rəngində təqdim edilib. Snapdragon 680 4G prosessor və 4 GB operativ yaddaş cihazın məhsuldarlığını artırıb. Batareyanın tutumu 5000 mAh-dır.

Xiaomi Redmi 10C qiyməti və parametrləri ilə tanış olub smartfonu onlayn əldə edə bilərsiniz. 6.71” düymlü IPS LCD displey, 2 gün tükənməyən batareya və böyük yaddaşa sahib olan bu model Mint Green rəngində təqdim edilib.

Görünüş

Yaşıl korpus relyefli plastikdən hazırlanıb. İlk baxışda diqqəti böyük kamera bloku cəlb edir. Bloka kameralarla yanaşı barmaq izi sensoru daxil edilib. Skaner dəqiq işləyir və ekranı sürətli blokdan çıxarır. Gövdənin üst hissəsində 3.5 mm Mini Jack girişi var. Alt hissədə dinamik, USB Type-C və mikrofon yerləşdirilib. Yan tərəfdə 2 nanoSIM və 1 microSD kart üçün slot var.

6.71” düymlü ekran görüntünü parlaq ötürür. Rənglər təbii əks olunur. Redmi 10 C modelinin displeyi 60 Hz ekran tezliyinə malikdir. Elektron kitabları rahat oxuya bilməyiniz üçün “Read” rejimi mövcuddur. İnterfeys üçün açıq və tünd rejimlər əlavə edilib. Bundan başqa, interfeysin şriftini dəyişmək olar.

Məhsuldarlıq

Snapdragon 680 4G prosessoru smartfonun sürətini artırıb. Nəticədə, cihaz istənilən tapşırıqları sürətli yerinə yetirir. 4 GB operativ yaddaş brauzerin, mobil tətbiqlərin, oyunların çevik işləməsinə kömək edir. Ağır qrafikaya malik oyunları oynamaq istəsəniz belə, oyun zamanı görüntü donmur və detallığını itirmir. Daxili yaddaş işə 128 GB təşkil edir. Lazım olan fayllar hər zaman əlinizin altında olacaq.

Batareyanın həcmi 5000 mAh-dır. Aktiv istifadə zamanı onun enerjisi 24 saat ərzində tükənməyəcək. Cihazı gün ərzində zəng etmək, xəbərləri oxumaq, dostlarınıza və yaxınlarınıza mesaj göndərmək, şəkil və videolarınızı bölüşmək, sosial şəbəkələrinizi izləmək üçün istifadə etsəniz onun avtonom işləmə müddəti 48 saatadək artacaq. Smartfon sürətli enerji yığmanı dəstəkləyir. 18 Vt adapterin köməkliyi ilə sərf edilən enerjini qısa müddət ərzində bərpa edəcəksiniz.

Kamera bloku

Şəkil və video yarada bilməyiniz üçün arxa paneldə 50 meqapikselli əsas kamera və 2 meqapikselli dərinlik sensoru yerləşdirilib. Displeyin üst hissəsində 5 meqapikselli kamera var. Redmi 10 C FullHD keyfiyyətində və Slow Motion rejimində videolar yarada bilir. Rəqəmsal stabilizasiya və zoom mövcuddur. Zəif işiq şəraitində aydın şəkillər yarada bilməyiniz üçün “Gecə” rejimi mövcuddur.