Apple Watch qiyməti və funksionallığı sayəsində istifadəçiləri tərəfindən yüksək qiymətləndirilib. Saat daha sağlam olmağınız üçün imkan yaradır. Bu qadcet smartfonunuzun bir çox funksiyalarını asanlıqla əvəz edə bilir.
Görünüş
Parlaq rəngləri sevirsinizsə Apple Watch 7 Red sizin üçün ideal seçim olacaq. Cihazın qırmızı kəməri yüksək keyfiyyətli silikondan hazırlanıb. İdmanla aktiv məşğul olduğunuz zaman belə saat əlinizdə rahat hiss edilir. Alüminium korpus su keçirmir. WR50 sayəsində suyun altında 50 metr dərinliyində üzə bilərsiniz. IP6X qorunma dərəcəsi isə cihazın gövdəsini xırda toz hissəciklərinə belə davamlı edib. Mövcud siferblat çeşidlərindən birini seçib displeyin görünüşünü dəyişə bilərsiniz. Şəkillərinizi siferblatın fonu kimi istifadə edərək kəməri zövqünüzə görə dəyişib öz individual Apple Watch 7 modelini yarada biləcəksiniz.
Series 7 modeli 1.9 düymlü OLED displeyə sahibdir. Ekranın parlaqlığı 70% artırılıb. Nəticədə, gün işığı altında və qaranlıq otaqda kontent rahat oxunur. Displey zərbələrə və çatlara davamlıdır. Sözügedən modeldə ekranın qorunması üçün daha qalın şüşədən istifadə edilib. Böyüdülmüş ekran mesajları və bildirişləri rahat oxuya bilməyinizi təmin edir. Bundan başqa interfeysin düymələri daha iri olub. Nəticədə, saat vasitəsilə asanlıqla mesaj yazmaq olar.
Məhsuldarlıq və Funksiyalar
Apple Watch 7 saatının imkanlarından tam olaraq faydalanmaq üçün onu iPhone smartfonuna birləşdirin. Smartfona gələn bütün bildirişlər, zənglər, mesajlar eyni zamanda saatınızda əks ediləcək. Korpusda olan dinamiklər və mikrofon sayəsində zəngə Apple Watch 7 vasitəsilə cavab vermək olar. Cihaz Siri səsli köməkçisinin işini dəstəkləyir. Siri gələn mesajları və bildirişləri səsli oxuya, lazım olan məlumatı saniyələr ərzində tapa bilir.
Smart saatı daha sağlam olmaq üçün əldə etmisinizsə menyuda "Məşqlər" bölməsinə keçid edin. Təqdim edilən məşqlər növündən birini seçib sevdiyiniz idmanla məşğul ola bilərsiniz. Saat məşqin müddətini, nəbzinizi, sərf edilən kalori miqdarını avtomatik olaraq hesablayacaq. Əlavə olaraq saat sağlamlığınıza aid bütün göstəriciləri gün ərzində izləyir. İstədiyiniz vaxt göstəriciləri Apple Watch-da və ya iPhone smartfonunuzda yoxlaya bilərsiniz.
