Redmi 9C büdcə dostu smartfonlara aid olsa belə 128 GB daxili yaddaşa, 5000 mAh həcmli batareyaya, 6.53 düymlü ekrana sahibdir. Əməliyyat sistemi Android 10-dur.

Büdcəli və eyni zamanda gündəlik tələblərinizi yerinə yetirə bilən smartfon axtarırsınız? Seçiminizi Xiaomi Redmi 9C modelində dayandırın. Parlaq korpusu sayəsində daim diqqət mərkəzində olacaqsınız.

Dizayn və Displey

Redmi 9C 128 GB göz oxşayan Twilight Blue rəngində təqdim edilib. Smartfonun arxa paneli relyefli plastikdən hazırlanıb. Nəticədə, istifadə zamanı panelin üzərində barmaq izləri əmələ gəlməyəcək. Ön panel şüşə ilə örtülüb. Smartfonun 6.53 düymlü IPS LCD ekranla təchiz olunmasına baxmayaraq cihaz əldə rahat yerləşir. HD+ ekran həlli görüntünü parlaq təsvir edilməsi üçün imkan yaradır. Smartfonda elektron kitabları oxumağı sevirsinizsə "Read Mode" rejimindən istifadə etməyi unutmayın. Bu rejim sayəsində gözləriniz yorulmayacaq və kitabı istədiyiniz qədər oxuya biləcəksiniz. Ekranın aydınlığı ətrafınızdakı işıqlandırmaya uyğunlaşa bilir.

Korpusun arxa panelində kamera bloku, fləş və barmaq izi skaneri yerləşdirilib. Üst hissədə qulaqlıqlar üçün 3.5 mm Mini jack var. Alt hissədə dinamik, micro USB girişi və mikrofon, yan tərəfdə isə 2 ədəd nanoSIM və 1 microSD kart üçün giriş mövcuddur.

Prosessor və Batareya

Xiaomi Redmi 9C modeli MediaTek Helio G35 prosessor üzərində işləyir. Prosessor bütün sistem proseslərini idarə edir və 4 GB operativ yaddaşla yanaşı tətbiqlərin və oyunların sürətli yüklənilməsini təmin edir. Məlumatın saxlanılması üçün 128 GB daxili yaddaş təqdim edilib. MicroSD kart vasitəsilə yaddaşın həcmini daha da artırmaq olar.

Smartfonun əsas üstünlüklərindən biri də onun böyük həcmli batareyasıdır. 5000 mAh tütümü sayəsində batareyanın  enerjisi günün sonunadək kifayət edəcək. Redmi 9C ilə daha çox oyun oynaya, video izləyə, musiqi dinləyə biləcəksiniz.

Kameralar

Şəkillərin yaradılması üçün Xiaomi Redmi 9C modelinin kamera blokuna daxildir:

• Əsas kamera (13 meqapiksel)
• Makro kamera (2 meqapiksel)
• Dərinlik sensoru (2 meqapiksel)

Gün işığı altında çəkilən şəkillər parlaq və detallı alınır. Arxa fona Boke effekti tətbiq etmək istəsəniz dərinlik sensorundan istifadə edin. Bundan başqa smartfon keyfiyyətli makrofotolar yarada bilir. Selfilər üçün displeyin üst hissəsində 5 meqapikselli kamera yerləşdirilib.