Redmi 9C 128GB smartfonu 6.53 düymlü ekrana sahibdir. 13 mpx əsas və 5 mpx ön kameraları ilə aydın şəkillər yaratmaq olar. Smartfon MediaTek Helio G35 prosessor üzərində işləyir.

Redmi 9C qiymeti və funksionallığı ilə istifadəçilər tərəfindən sevilir. Gündəlik istifadə üçün yeni smartfon axtarırsınızsa seçiminizi bu modeldə dayandıra bilərsiniz.

Dizayn və Displey

Redmi 9C Kontakt Home saytında parlaq yaşıl rəngdə mövcuddur. Arxa panel relyefli plastikdən hazırlanıb və istifadə zamanı panelin üzərində barmaq izləri qalmır. Ön panel hamar şüşə ilə örtülüb. IPS LCD ekran 6.53 düymlüdür, nəticədə istənilən kontent rahat oxunur. Ekranın böyük olmasına baxmayaraq cihaz əldə rahat yerləşir. HD+ ekran həlli və parlaq görüntüdən zövq alacaqsınız. Elektron kitabları oxumağı sevirsinizsə “Read Mode” rejimindən tez-tez istifadə edəcəksiniz. Sözügedən rejimin köməkliyi ilə uzun müddət ərzində oxumağı davam etsəniz belə gözləriniz yorulmayacaq.

Arxa paneldə kamera bloku, fləş və barmaq izi skaneri yerləşdirilib. Üst hissədə qulaqlıqlar üçün 3.5 mm Mini jack var. Alt hissədə dinamik, micro USB girişi və mikrofon, yan tərəfdə isə 2 ədəd nanoSIM və 1 microSD kart üçün giriş mövcuddur. Beləliklə, eyni anda 2 nömrədən istifadə edə biləcəksiniz. Dinamik səsi güclü təsvir edir. Zəngin səsini asanlıqla eşidəcəksiniz.

Prosessor və Batareya

Redmi 9C smartfonunda MediaTek Helio G35 prosessor quraşdırılıb. Prosessor interfeysin stabil işləməsini təmin edir. 4 GB operativ yaddaş tətbiqlərin sürətli yüklənilməsini və işə salınması üşün imkan yaradır. Foto və videolarınızın saxlanılması üçün 128 GB daxili yaddaş təqdim edilib. MicroSD kart vasitəsilə yaddaşı artıra bilərsiniz.

Smartfonun güclü tərəflərindən biri 5000 mAh tutumlu batareyasıdır. Onun sayəsində aktiv istifadə zamanı belə smartfonun enerjisi günün sonunadək tükənməyəcək. Redmi 9C ilə daha çox oyun oynaya, video izləyə, musiqi dinləyə biləcəksiniz.

Kameralar

İstənilən zaman şəkil və video çəkə bilməyiniz üçün Xiaomi Redmi 9C modelinin arxa blokuna 13 meqapikselli əsas kamera, 2 meqapikselli makro kameralar və 2 meqapikselli dərinlik sensoru əlavə edilib. Əsas kameranın köməkliyi ilə gün işığı altında parlaq və detallı şəkillər yaratmaq olar. Arxa fona Boke effekti tətbiq etmək istəsəniz dərinlik sensorundan istifadə edin. Selfilər üçün displeyin üst hissəsində 5 meqapikselli kamera yerləşdirilib.