Xiaomi Redmi 10 C Snapdragon 680 4G prosessor üzərində işləyir. Android 11 əməliyyat sisteminə malik smartfonun interfeysi sadəliyi ilə seçilir. Batareya həcmi 5000 mAh-dır.
Xiaomi brendinin Redmi 10 C smartfonu yüksək məhsuldarlığa və tutumlu batareyaya sahibdir. Cihaz gündəlik istifadə üçün nəzərdə tutulub və əlverişli qiymətə malikdir.
Görünüş
Parlaq rənglər sizi heyran edirsə Ocean Blue rəngində təqdim edilən Redmi 10 C modelini bəyənəcəksiniz. Arxa panel relyeflidir və zərbələrə davamlı plastikdən hazırlanıb. Smartfon böyük kamera blokuna malikdir. Bloka kameralarla yanaşı barmaq izi sensoru daxil edilib. Skaner dəqiq işləyir və ekranı sürətli blokdan çıxarır. Gövdənin üst hissəsində 3.5 mm Mini Jack girişi var. Alt hissədə dinamik, USB Type-C və mikrofon yerləşdirilib. Yan tərəfdə 2 nanoSIM və 1 microSD kart üçün slot var.
6.71” düymlü ekran görüntünü parlaq ötürür. Rənglər təbii əks olunur. Böyük displeydə istənilən mətnlər rahat oxunur. Redmi 10 C modelinin displeyi 60 Hz ekran tezliyinə malikdir. İnterfeys üçün açıq və tünd rejimlər əlavə edilib. Bundan başqa, interfeysin şriftini dəyişdirmək olar.
Məhsuldarlıq
Xiaomi smartfonu sürətli interfeysi və məhsuldarlığı ilə seçilir. Bunun səbəbi Snapdragon 680 4G prosessoruna bağlıdır. Telefon bütün tapşırıqlarınızı sürətli yerinə yetirir. 4 GB operativ yaddaş brauzerin, mobil tətbiqlərin, oyunların çevik işləməsinə kömək edir. Ağır qrafikaya malik oyunları oynamaq istəsəniz belə, oyun zamanı görüntü donmur və detallığını itirmir. Daxili yaddaş işə 64 GB təşkil edir. Lazım olan fayllar hər zaman əlinizin altında olacaq.
Redmi 10 C smartfonunu gün ərzində zəng etmək, xəbərləri oxumaq, dostlarınıza və yaxınlarınıza mesaj göndərmək, şəkil və videolarınızı bölüşmək, sosial şəbəkələrinizi izləmək üçün istifadə etsəniz onun avtonom işləmə müddəti 48 saat təşkil edəcək. Aktiv istifadə zamanı cihazın enerjisi 1 gün istifadə üçün kifayətdir. Smartfon sürətli enerji yığmanı dəstəkləyir. 18 Vt adapterin köməkliyi ilə sərf edilən enerjini qısa müddət ərzində bərpa edəcəksiniz.
Kamera bloku
Şəkil və video yarada bilməyiniz üçün arxa paneldə 50 meqapikselli əsas kamera və 2 meqapikselli dərinlik sensoru yerləşdirilib. Displeyin üst hissəsində 5 meqapikselli kamera var. Redmi 10 C FullHD keyfiyyətində və Slow Motion rejimində videolar yarada bilir. Rəqəmsal stabilizasiya və zoom mövcuddur. Zəif işiq şəraitində aydın şəkillər yarada bilməyiniz üçün “Gecə” rejimi mövcuddur.
