Redmi 10A onlayn almaq üçün Kontakt.az saytına keçid edin. Smartfon 13 mpx əsas kameraya malikdir. Batareyanın tutumu 5000 mAh-dır və 2 günədək istifadə üçün kifayətdir.
Yeni Xiaomi smartfonunu qarşılayın. Redmi 10A büdcəli smartfonlar kateqoriyasına aiddir və gündəlik istifadə üçün sizə lazım olacaq bütün parametrlərə malikdir.
Görünüş və Displey
Xiaomi Redmi 10A plastik korpusla təchiz edilib. Arxa panel matdır və üzərində böyüdülmüş kamera bloku yerləşdirilib. Əsas kamera və fləşlə yanaşı buraya barmaq izi skaneri əlavə edilib. Gövdənin sağ tərəfində səs və güc düymələri, sol tərəfində isə 2 ədəd nanoSIM və 1 ədəd microSD kart üçün slot mövcuddur. Korpusun üst tərəfində qulaqlıqlar üçün giriş, altında əsas mikrofon, dinamik və microUSB girişi var.
Smartfon 6.53" düymlü displeyə malikdir. IPS matrisa görüntünün parlaq təsvir edilməsini təmin edir. Ekran keyfiyyətlidir, böyük ölçüsü sayəsində onlayn videoları rahat izləyə biləcəksiniz. İnterfeysdən daha rahat istifadə edə bilmək üçün şriftin ölçüsünü böyütmək mümkündür.
Prosessor və Batareya
Yeni Redmi smartfonu MediaTek Helio G25 prosessoru üzərində işləyir. Operativ yaddaş 3GB-dır. Bu da mobil tətbiqlərin sürətli açılmasını təmin edir. Sözügedən modelin büdcə dostu smartfonlar kateqoriyasına aid olmasına baxmayaraq müasir oyunları yükləyib oynamaq mümkündür. Smartfon Android 11 əməliyyat sisteminə malikdir. İstifadəniz üçün açıq və tünd rəngli interfeyslər mövcuddur.
Batareyanın tutumu 5000 mAh təşkil edir. Gündəlik zənglər, mesajların cavablandırılması, xəbərlərin oxunması, sosial şəbəkələrin izlənilməsi üçün istifadə edilən smartfonun enerjisi 2 günədək kifayət edir. Sərf edilən enerjini bərpa etmək üçün sizə 10 Vt adapter lazım olacaq.
Kameralar
Şəkillərin yaradılması üçün bu modeldə 13 meqapikselli əsas və 5 meqapikselli ön kameraları mövcuddur. Günəş işığı altında kameralar aydın və parlaq şəkillər yarada bilir. Gecə zamanı istifadə üçün kamera blokunda güclü fləş yerləşdirilib. Smartfon 1080p keyfiyyətində videolar yarada bilir.