Samsung Galaxy S22 Ultra smartfonu Dynamic AMOLED 2X displeyi ilə təchiz edilib. Smartfon Exynos 2200 prosessor üzərində işləyir. Əməliyyat sistemi Android 12-dir.

Samsung Galaxy S22 Ultra möhkəm korpusa, Galaxy smartfonları arasında ən sürətli prosessora və böyük həcmli batareyaya sahibdir. Şəxsi məlumatın saxlanılması üçün 256 GB daxili yaddaş ayrılıb. 

Görünüş 

Galaxy S22 Ultra zərbələrə və suya davamlı olan korpusla təchiz edilib. IP68 qorunma dərəcəsi sayəsində smartfonu təsadüfən suya salsanız belə daxili hissələr zədələnməyəcək. Telefon Phantom Black rəngindədir. Korpusun çərçivəsi alüminiumdan hazırlanıb. Ön və arxa panel şüşədəndir və Gorilla Glass Victus ilə örtülüb. Bu unikal qat panelləri cızıqların əmələ gəlməsindən qoruyur. 

6.8" düymlü Dynamic AMOLED 2X displeyinin gözəlliyini kəşf edin. HDR kontent üçün ekranın maksimal parlaqlığı 1750 nit təşkil edir. Adi istifadə zamanı parlaqlıq 1200 nitə qədər azalır. Günəşli gündə gəzinti zamanı kontent aydın və detallı təsvir edilir. Skrollinq zamanı ekranın görüntüsü donmayacaq. Bunun səbəbi ekran tezliyinin 120 Hz qədər artırılması ilə bağlıdır. 

Samsung brendi ilk dəfə olaraq Galaxy S modelinin korpusuna S-Pen quraşdırıb. Elektron qələm korpusun alt hissəsində yerləşdirilib. Beləliklə, Samsung Notes tətbiqində qeydlər yazmaq, sketçlər çəkmək, smartfonu idarə etmək lazım olanda qələm daim əlinizin altında olacaq. Ekranın hərəkətlərinizə çevik cavab verməsi sayəsində qeydlərinizi asanlıqla yazacaqsınız, adi qələmlə kağız üzərində yazdığınız kimi. 

Məhsuldarlıq 

4 nanometrli Exynos 2200 prosessor Samsung Galaxy S22 Ultra smartfonunu ağlasığmaz güclə təmin edir. Prosessor kamera sistemini təkmilləşdirib. Nəticədə, smartfon gecə rejimində belə mükəmməl kadrlar yarada bilir. Mobil oyunları oynayanda smartfon görüntünü ideal ötürür. Prosessor qrafikanın və animasiyaların işini effektiv idarə edir.  

Galaxy S22 Ultra 5000 mAh tutumlu batareya ilə təchiz edilib. Prosessor enerjini effektiv istifadə edilməsini təmin edir. Nəticədə, smartfonun avtonom işləmə müddəti artırılıb. Günün sonunadək cihazı əlavə olaraq şarj etməyə ehtiyac qalmayacaq. 45 Vt adapterin köməkliyi ilə tamamilə tükənmiş enerjini 30 dəqiqəyə 50% qədər bərpa etmək olar. Cəmi 1 saata smartfon 100%-dək şarj edilir. 

Kameralar 

Samsung kameraları ilə hər bir kadr sənət əsərinə bənzəyir. 40 meqapikselli selfi və 108 meqapikselli əsas  kamera zəif işıq şəraitində belə aydın və detallı şəkillər çəkə bilir. İmkanlarınızı genişləndirmək üçün arxa panelə 12 meqapikselli ultra geniş bucaqlı, 3X zoom-a sahib 10 meqapikselli telefoto və 10 meqapikselli 10X zoom telefoto kameraları yerləşdirilib.