Samsung Galaxy A73 2022 ilin gözlənilən smartfonlarından biridir. Super AMOLED Plus displey görüntünü parlaq ötürür. Telefon Snapdragon 778G prosessor üzərində işləyir.
6.7" düymlü Super AMOLED Plus displeyə malik Samsung Galaxy A73 smartfonu qısa müddət ərzində istifadəçilərin məmnuniyyətini qazana bilib. 108 meqapikselli əsas kamera ilə təchiz edilən cihaz yüksək keyfiyyətli şəkillər yaradır. Batareyanın enerjisi 2 gün istifadə üçün kifayət edəcək.
Görünüş
Klassik üslüba üstünlük verirsinizsə Gray rəngində təqdim edilən Galaxy A73 modelinə nəzər yetirməyi məsləhət edirik. Smartfonun gövdəsi mat plastikdən və şüşədən hazırlanıb. Ekranın böyük olmasına baxmayaraq cihaz əldə rahat yerləşir. Korpus IP67 qorunma dərəcəsinə sahibdir. Smartfon su altında 30 dəqiqəyə qədər qala bilər. Gövdənin alt hissəsində əsas dinamik, mikrofon və USB Type-C yerləşir. Sağ tərəfdə səs və güc düymələri. Üst hissədə isə danışıq üçün ikinci mikrofon, dinamik, 2 ədəd nanoSIM və ya 1 nanoSIM + 1 microSD kart üçün slot mövcuddur.
6.7" düymlü Super AMOLED Plus displey sayəsində smartfonu əlinizdən buraxmaq istəməyəcəksiniz. Parlaq rəngləri ilə seçilən ekran görüntünü daha dolğun və detallı təsvir edir. Ekran tezliyi 120 Hz təşkil edir. Samsung Galaxy A73 ekranın üst hissəsində kamera üçün O-şəkilli kəsik var. Maksimal parlaqlıq 800 nit təşkil edir. Always On Display funksiyası dəstəklənir.
Məhsuldarlıq və Avtonomluq
Snapdragon 778G 5G prosessoru ilə Galaxy A73 modelinin imkanları genişləndi. Yeni çip ağır tətbiqləri sürətli işə salır, kamera sisteminin keyfiyyətini artırır. Ekranı sürətli sürüşdürəndə, tətbiqlər arasında keçid edəndə görüntü donmur. Uzun müddət ərzində mobil oyun oynasanız belə smartfonun gövdəsi isinməyəcək və interfeys stabil işləməyə davam edəcəkdir.
5000 mAh tutumlu batareya ilə smartfondan daha çox istifadə edəcəksiniz. Prosessor enerjinin səmərəli sərf edilməsini təmin edir. Telefondan aktiv istifadə etsəniz belə günün sonunda batareyanın enerjisi 40%-dan aşağı olmayacaq. 25 Vt adapter ilə cihazı 1 saat ərzində 100% qədər şarj etmək mümkündür.
Kamera bloku
Samsung Galaxy A73 güclü kamera sistemi ilə seçilir. Ön paneldə yerləşən 32 meqapikselli kamera həm keyfiyyətli selfilərin yaradılmasına, həm də üz tanıma sisteminin dəqiq işləməsinə cavabdehdir. Əlavə olaraq bu modul 4K keyfiyyətində videolar rayada bilir və stabilizasiyaya malikdir. Arxa paneldə dördlü kamera bloku yerləşir. Əsas kamera 108 meqapiksellidir və optik stabilizasiya sayəsində sabit şəkillər çəkir. Bundan başqa bloka 12 meqapikselli geniş bucaqlı, 5 meqapikselli makro kameralar, 5 meqapikselli dərinlik sensoru daxildir.
