iMac 24 M1 çipi üzərində işləyir. 24” düymlü displey 4480 x 2520 görüntü imkanına malikdir. Yeni iMac daha yığcam olub. Retina displey görüntünü 4.5K keyfiyyətində təsvir edir.

Eviniz və ya ofisiniz üçün güclü kompüter əldə etməyi planlaşdırırsınızsa seçiminizi Apple iMac 24 monoblokunda dayandırmağı məsləhət edirik. Cihaz çox yığcamdır və masada minimal yer tutur. Komplektasiyaya Magic Keyboard klaviaturası və mouse daxildir. Monoblok Pink rəngdə təqdim edilib. Ən əsası isə, klaviatura, mouse, bütün naqillər və cihazın interfeysi təqdim edilən model ilə eyni rəngdədir.

Görünüş

iMac 24 modelinin korpusu təkrar emal edilmiş alüminiumdan hazırlanıb. Ön panel tamamilə şüşə ilə örtülüb. Gövdənin alt hissəsində soyutma sisteminin dəlikləri yerləşdirirlib. Yan tərəfində isə qulaqlıq üçün 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3.1 Gen 2 girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.46 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

Apple iMac 24 modeli 6 ədəd dinamiklərdən ibarət akustik sistemlə təchiz edilib. Zəif tezlikli dinamiklər dərin “baslar”-ın ötürülməsinə cavabdehdir. Sevdiyiniz musiqini dinləyəndə, film izləyəndə keyfiyyətli səsdən həzz alacaqsınız. Yenilənmiş dinamiklər sayəsində yeni iMac Dolby Atmos texnologiyasını dəstəkləyir.

Displey

24” düymlü möhtəşəm Retina displey görüntünü 4.5K keyfiyyətində təsvir edir. Xırda detallar belə nəzərinizdən qaçmayacaq. Geniş rəng çalarları və True Tone texnologiyası sayəsində hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

iMac 2022-ci ilin tələblərinə tam olaraq cavab verir. Displeyin üst hissəsində FaceTime HD 1080p kamerası yerləşdirilib. Neural Engine sistemi və M1 çipinin alqoritmləri ekspozisiyanı, ağ rəngin balansını təkmilləşdirərək görüntünün keyfiyyətini artırır. Nəticədə, video zəng zamanı hər zaman mükəmməl görünəcəksiniz. Cihazda 3 ədəd mikrofon yerləşdirilib. Beləliklə, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

iMac 24 M1 çipi üzərində işləyir. Bu çip özündə ağlasığmaz gücü və möhtəşəm imkanları birləşdirir. Onun köməkliyi ilə Neural Engine maşın öyrənmə sisteminin sürəti 3 dəfə, qrafik prosessorun sürəti isə 2 dəfə artırılıb. Bütün sistem prosesləri daha çevik yerinə yetirilir. İstənilən tətbiqin açılmasına bir neçə saniyə vaxt sərf edilir.

M1 çipi çətin tapşırıqları effektiv həll edir. FinalCut 10, Xcode və s. kimi tətbiqlərdə işlədiyiniz zaman belə cihazın gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

iMac üçün daha çox tətbiq mövcuddur. Ən əsası isə, yeni macOS əməliyyat sistemi və M1 çipi sayəsində iPhone və iPad üçün nəzərdə tutulan tətbiqləri iMac-da istifadə edə biləcəksiniz. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.