iMac 24 həm ofis, həm də ev şərəitində işləyə bilməyiniz üçün idealdır. Monobloka Apple M1 prosessoru quraşdırılıb. Operativ yaddaş 8 GB, SSD 512 GB-dır. Ön paneldə 24” Retina displey var.

Ev şəraitində effektiv işləyə bilməyiniz üçün iMac 24 monoblok modelini əldə etməyi məsləhət edirik. Güclü Apple prosessoru ilə bütün tapşırıqları sürətli yerinə yetirəcəksiniz. Böyük Retina displey daha çox kontent əks etdirir.

Görünüş

Görünüşü ilə təqdim edilən Apple iMac 24 xanımların qəlbinə yol tapacaq. Monoblok pastel çəhrayı rəngindədir və təkrar emal edilmiş alüminiumdan hazırlanıb. Displey və ön panelin alt hissəsi isə möhkəm şüşə ilə örtülüb. Yan tərəfdə qulaqlıq üçün 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C, 2 ədəd Thunderbolt 3 girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.48 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

iMac 24 güclü dinamiklərlə təchiz edilib və Dolby Atmos texnologiyasını dəstəkləyir. Beləliklə, sevdiyiniz musiqini dinləyəndə, yeni çıxan filmləri izləyəndə dərin “baslar”-dan həzz alacaqsınız.

Displey

Parlaq Retina displey görüntünü keyfiyyətli təsvir edir. Diqqətiniz kontentdən yayılmayacaq. Geniş rəng çalarları və True Tone texnologiyası sayəsində hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Neural Engine sistemi və M1 çipinin köməkliyi ilə FaceTime HD 1080p kameranın keyfiyyəti artırılıb. Nəticədə, video zənglər zamanı görüntü ideal ötürülür. Günün istənilən vaxtı asanlıqla onlayn iclas keçirə, iş proseslərini müzakirə edə biləcəksiniz. Cihazda 3 ədəd mikrofon yerləşdirilib. Beləliklə, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

Yeni iMac 24 modeli daha sürətli olub. Bunun səbəbi Apple M1 çipi ilə bağlıdır. Yeni çip mərkəzi və qrafik prosessorlarını daha sürətli edib. Ən əsası isə, M1 çipi çətin tapşırıqların öhdəsindən gələ bilir. Nəticədə, FinalCut 10, Xcode və s. kimi tətbiqlərdə işlədiyiniz zaman belə cihazın gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

iPhone və iPad üçün tətbiqləri monoblokda istifadə etmək mümkündür. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.