iMac 24 monoblok Green rəngində təqdim edilib. Cihaz macOS Big Sur əməliyyat sistemi üzərində işləyir. 24"düymlü Retina displey şüşə ilə örtülüb. SSD 512 GB-dır.

Apple iMac 24 həm ofisdə, həm ev şəraitində istifadə üçün güclü parametrlərə malikdir. Güclü prosessor monobloku yüksək sürət və məhsuldarlıqla təmin edir. Bu səbəbdən cihaz istifadəçilərinin məmnuniyyətini qazanmağa davam edir.

Görünüş

Yaşıl rəngi sevirsinizsə iMac 24 Green modelinin görünüşü sizi heyran edəcək. Monoblok alüminium və şüşədən hazırlanıb. Cihaza naqilli qulaqlıqlar birləşdirmək lazım olsa bunun üçün gövdənin yan tərəfində 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.48 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

Musiqi dinləməyi sevirsinizsə 6 ədəd dinamiklərin gücünü bəyənəcəksiniz. Əlavə olaraq, Apple iMac 24 modelində izlədiyiniz film Dolby Atmos keyfiyyətində olan səslə müşahidə olunacaq.

Displey

24” düymlü displey rənglərin parlaqlığı ilə seçilir. Detallı görüntü sayəsində film izləməkdən və ya onlayn oyun oynamaqdan zövq alacaqsınız. True Tone texnologiyası ilə hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Ekranın üst hissəsində keyfiyyətli veb kamera yerləşir. Yeni M1 prosessonu sayəsində ətrafınızdakı işıqlandırmadan asılı olmayaraq, kamera görüntünü aydın və detallı ötürür. Beləliklə, günün istənilən vaxtı mükəmməl görünəcəksiniz. Cihazda 3 ədəd mikrofon yerləşdirilib, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

iMac 24-ün gücü Apple M1 çipinə bağlıdır. Onun köməkliyi ilə monoblok geniş imkanlara malikdir. Apple M1 mərkəzi və qrafik prosessorlarını sürətləndirib. Nəticədə, şəkilləri peşəkarcasına redaktə edə biləcəksiniz. İstənilən tətbiqləri işə salmaq üçün bir neçə saniyə vaxtınız tələb olunacaq. Yeni çipin effektivliyi sayəsində çətin tapşırıqları yerinə yetirəndə belə monoblokun gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

iPhone və iPad üçün tətbiqləri iMac-da istifadə etmək mümkündür. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.