Apple iMac 24 onlayn əldə etmək üçün Kontakt Home saytına daxil olun. Monoblok Green rəngində təqdim edilib və alüminiumdan hazırlanıb. Ön panel şüşə ilə örtülüb.

Kompüteri yeniləməyin vaxtı gəlib? Seçiminizi Apple iMac 24 modelində dayandırmağı məsləhət edirik. Güclü prosessoru olan və tətbiqləri sürətli işə salan kompüter axtarırsınızsa bu model sizin üçündür.

Görünüş

Sözügedən iMac 24 yaşıl rəngdə təqdim edilib. Monoblokun hazırlanmasında möhkəm şüşədən və təkrar emal edilmiş alüminiumdan istifadə edilib. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.48 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

Musiqi dinləməyi sevirsinizsə 6 ədəd dinamiklərin gücünü bəyənəcəksiniz. Əlavə olaraq, Apple iMac 24 modelində izlədiyiniz film Dolby Atmos keyfiyyətində olan səslə müşahidə olunacaq.

Displey

iMac 24 modelində böyük Retina displey quraşdırılıb. Parlaq rənglər və yüksək ekran tezliyi görüntünün yüksək keyfiyyətdə ötürülməsini təmin edir. True Tone texnologiyası ilə hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Ekranın üst hissəsində keyfiyyətli veb kamera yerləşir. Yeni M1 prosessonu sayəsində ətrafınızdakı işıqlandırmadan asılı olmayaraq, kamera görüntünü aydın və detallı ötürür. Beləliklə, günün istənilən vaxtı mükəmməl görünəcəksiniz. Cihazda 3 ədəd mikrofon yerləşdirilib, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

iMac 24 Apple brendinin istehsal etdiyi M1 çipi üzərində işləyir. Yeni çip cihazı sürətləndirdi. Monoblok vasitəsilə çətin montajlar yerinə yetirəcəksiniz. İstənilən təqdimatın hazırlanmasına minimal vaxt tələb olunur. Böyük ekran şəkillərin rahat redaktəsi üçün imkan yaradır. Yeni çipin effektivliyi sayəsində çətin tapşırıqları yerinə yetirəndə belə monoblokun gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

iPhone və iPad üçün tətbiqləri iMac-da istifadə etmək mümkündür. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.