Yeni iMac 2022 ilin tələblərinə cavab verir. Apple M1 prosessoru monoblokun məhsuldarlığını artırıb. 24" düymlü Retina displey görüntünün keyfiyyətinə cavabdehdir. SSD 512 GB-dır.

İş tapşırıqlarını daha sürətli yerinə yetirmək, təhsilinizin effektivliyini artırmaq istəyirsiniz? O zaman sizə Apple iMac 24 lazımdır. Yeni M1 çipinin köməkliyi ilə cihazın funksionallığı artırılıb.

Görünüş

Klassik Silver rəngində təqdim edilən iMac 24 modelini qarşılayın. Cihazın korpusu alüminiumdan, displey və ön panelin alt hissəsi isə şüşədən hazırlanıb. Monobloka qulaqlıq birləşdirə bilməyiniz üçün gövdənin yan tərəfində 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C, 2 ədəd Thunderbolt 3 girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.48 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

Səsin Dolby Atmos keyfiyyətində ötürülməsinə 6 ədəd dinamiklər cavabdehdir. Apple iMac 24 ilə otağınızda kinoteatr mühiti yaradın. Sevdiyiniz musiqini dinləyəndə, yeni çıxan filmləri izləyəndə dərin “baslar”-dan həzz alacaqsınız.

Displey

Monoblokun ön panelində 24” düymlü displey yerləşdirilib. Parlaq rəng çalarları və 4.5K görüntü keyfiyyəti sayəsində saatlarla işləmək lazım olsa belə gözləriniz yorulmayacaq. True Tone texnologiyası ilə hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Neural Engine sistemi və M1 çipinin köməkliyi ilə FaceTime HD 1080p kameranın keyfiyyəti artırılıb. Nəticədə, video zənglər zamanı görüntü ideal ötürülür. Günün istənilən vaxtı asanlıqla onlayn iclas keçirə, iş proseslərini müzakirə edə biləcəksiniz. Cihazda 3 ədəd mikrofon yerləşdirilib. Beləliklə, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

iMac 24 ilə imkanlarınız sərhədsizdir. M1 çipinin məhsuldarlığı sayəsində çətin video montajlar yerinə yetirə, şəkilləri redaktə edə, mətnlər, cədvəllərlə işləyə biləcəksiniz. Yeni çipin effektivliyi sayəsində çətin tapşırıqları yerinə yetirəndə belə monoblokun gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

iPhone və iPad üçün tətbiqləri iMac-da istifadə etmək mümkündür. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.