Instax Mini 11 qiymeti, imkanları və görünüşü ilə sevindirir. Komplektasiyaya Instax mini card katrici, mini albom və qoruyucu çanta daxildir. Fotoaparat bənövşəyi rəngdə təqdim edilib.

Bənövşəyi rəngi ilə göz oxşayan Instax Mini 11 Lilac Purple Bundle modelini qarşılayın. Şəkil çəkməyə başlaya bilməyiniz üçün komplektasiyaya Instax mini card əlavə edilib. Katric 10 şəkil üçün nəzərdə tutulub.

Görünüş

Instax Mini 11 modelinin gövdəsi möhkəm plastikdən hazırlanıb və daha yığcam olub. Onu bir əllə tutub düyməyə rahat basa biləcəksiniz. Fotoaparatı özünüzlə daşıya bilməyiniz üçün komplektasiyaya bənövşəyi rəngdə qoruyucu çanta daxildir. Çəkdiyiniz şəkillərin saxlanılması üçün mini albom mövcuddur.

Fotoaparatı şarj etmək lazım olmayacaq. Instax Mini 11 2 ədəd AA batareya üzərində işləyir. Gövdənin ön hissəsində obyektiv, fləş, çəkiliş və güc düymələri, fləş indikatoru, işıq sensorları yerləşir. Arxa hissədə katric, yan tərəfdə isə batareya üçün yer mövcuddur.

Çəkiliş rejimləri

Çəkilişə başlamaq üçün güc düyməsinə basın. Cihazı söndürmək üçün isə obyektivi geriyə çəkmək kifayətdir. Fləş indikatoru yanan kimi fotoaparat istifadə üçün hazırdır. Instax Mini 11-lə istənilən işıqlandırmada parlaq şəkillər yaradacaqsınız. İşıq sensorlarının köməkliyi ilə ekspozisiya avtomatik olaraq tənzimlənir. Fləşin intensivliyi də avtomatik tənzimlənə bilir. Parlaq günəş işığı altında belə kontrastlı kadrlar əldə etmək mümkündür.

Instax Mini vasitəsilə selfi çəkmək olar. Obyektivi "Selfie On" yazısına qədər çəkin və fotoaparat "Selfie" rejiminə keçəcək. Daha çox mükəmməl kadrlar üçün obyektivin üzərində yerləşən balaca güzgüdən istifadə edin. Instax vasitəsilə bu rejimdə yaxın kadrlar yaratmaq mümkündür.