Huawei Y6P smartfonu 6.3" düymlü ekrana, 5000 mAh həcmli batareya və 13 meqapikselli əsas kameraya sahibdir. Eyni anda 2 nanoSIM istifadə etmək mümkündür.

Huawei Y6P modeli büdcə dostu smartfon hesab edilir. Buna baxmayaraq, bu modeldə gündəlik istifadə üçün lazım olan bütün funksiyalar mövcuddur: 13 meqapikselli kamera, eyni anda 2 nanoSIM və 1 microSD kartın dəstəklənməsi, sürətli interfeys, 5000 mAh həcmli batareya və müasir görünüş.

Görünüş

Seçiminizi parlaq bənövşəyi korpusda dayandıraraq individuallığınızı göstərin. Huawei Y6P Violet diqqəti özünə cəlb edir. Smartfonun gövdəsi plastikdən hazırlanıb, ön panel şüşədəndir. Arxa paneldə üçlü kamera, fləş və barmaq izi skaneri yerləşir. Skaner dəqiq işləyir və bir neçə saniyə ərzində smartfonu blokdan çıxarmağa kömək edəcək. Alt hissədə qulaqlıq və micro USB üçün girişlər, mikrofon və dinamik yerləşir. Danışıq üçün istifadə edilən ikinci mikrofon korpusun üst hissədindədir.

6.3" düymlü IPS LCD ekran videoların rahat izlənilməsi üçün optimal ölçülərə malikdir. Rənglərin parlaqlığı sayəsində görüntü təbii ötürülür. Həm gündüz, həm zəif işıq şəraitində kontent asan oxunur. Sensorlu ekran toxunuşlara həssasdır və bütün hərəkətlərə həmin an cavab verir.

Məhsuldarlıq və Kameralar

Huawei Y6P Mediatek MT6762R Helio P22 prosessor üzərində işləyir. 3 GB operativ yaddaş tətbiqlərin sürətli işləməsinə kömək edir. Prosessorun məhsuldarlığı sayəsində hətta detallı qrafikaya sahib oyunları oynaya biləcəksiniz. Smartfon Android 10 əməliyyat sistemi üzərində işləyir. Məlumatın saxlanılması üçün 64 GB daxili yaddaş təqdim edilib. MicroSD kart vasitəsilə yaddaşı 512 GB qədər artırmaq mümkündür. 5000 mAh batareya sayəsində adi istifadə zamanı cihazın enerjisi 2 günə qədər tükənməyəcək.

Şəkillərin və videoların yaradılmasına 13 meqapikselli əsas, 5 meqapikselli geniş bucaqlı, 2 meqapikselli dərinlik sensoru, 8 meqapikselli ön kameralar və fləş cavabdehdir. Şəkillər aydın və detallı alınır. Əsas və ön kameralar Full HD keyfiyyətində videolar çəkə bilir.