Apple Watch 7 sizin üçün smartfonu əvəz edəcək. Apple Watch 7 ilə mesaj göndərmək, zəng etmək və qəbul etmək olar. Gün ərzində cihaz nəbzinizi, qanda oksijen miqdarını ölçür.

Apple Watch 7 ilə həyatınızı asanlaşdıracaqsınız. Daha sağlam olmaq istəyirsinizsə saatın sensorları gün ərzində nəbzinizi, qanda oksijen miqdarını ölçür. Mövcud məşqlər siyahısı sayəsində isə artıq çəkidən asanlıqla azad olacaqsınız.

Görünüş

Green rəngində təqdim edilən yeni Apple Watch 7 mat alüminiumdan hazırlanan korpusa sahibdir. Arxa hissədə sağlamlıq göstəricilərinizi izləyən sensorlar yerləşdirilib. Ön tərəfdə isə 368 x 448 ekran həllinə malik Retina displey mövcuddur. Ekran daha parlaq olub və kontent ətrafınızdakı işıqlandırmadan asılı olmayaraq aydın oxunur. Zərbələrdən displeyi möhkəm şüşə qoruyur. Korpus toza və suya davamlıdır. WR50 sayəsində Apple Watch 7 ilə suyun altında 50 metr dərinliyində üzə bilərsiniz.

Yaşıl silikondan hazırlanan kəmər qolunuzda rahat hiss edilir. Apple Watch 7 modellərinin kəmərlərini zövqünüzə görə dəyişə bilərsiniz. Geyiminizə uyğun olan kəməri istifadə edib eyni zamanda dəbli aksessuara sahib olacaqsınız. Bundan başqa, cihazın siferblatını dəyişmək mümkündür.

Saatın yan hissələrdə mikrofon, dinamik, Digital Crown və güc düymələri var. Böyüdülmüş ekranda mesajları və bildirişləri rahat oxuyacaqsınız. Bundan başqa interfeysin düymələri daha iri olub. Nəticədə, mesajlara asanlıqla cavab yazacaqsınız.

Məhsuldarlıq və Funksiyalar

Apple Watch 7-ni iPhone-a birləşdirin və smartfona gələn bildirişlər, zənglər, mesajlar saatınızın ekranında əks ediləcək. Korpusda olan mikrofon və dinamik sayəsində zəngə Apple Watch vasitəsilə cavab vermək olar. Cihaz Siri səsli köməkçinin işini dəstəkləyir. Lazım olan məlumatı öyrənmək üçün köməkçiyə sual verin. Bir neçə saniyə ərzində Siri cavabı tapıb səsləndirəcək. O, hətta cümlələri xarici dillərə tərcümə edə bilir.

Saatın əsas məqsədlərindən biri sağlamlığınıza nəzarətdir. Apple Watch 7 sensorları gün ərzində bir neçə dəfə bütün vacib göstəriciləri qeyd edir. Nəticələri həm saatda, həm də iPhone smartfonunda izləyəcəksiniz. Bundan başqa cihazda "Məşqlər" bölməsi var. Yeriş, qaçış, üzgüçülük, velosiped, pilates, yoqa və s. məşqlərdən sizə uyğun olanını seçib idmana başlayın. Motivasiyanın daim yanınızda qalması üçün isə Activity halqaları mövcuddur. 3 ədəd halqalar gün ərzində hərəkət etməyinizi, sərf etdiyiniz kalori miqdarını və məşq müddətini qeyd edir.