Macbook Air M1 çipi üzərində işləyir. Prosessorun takt tezliyi 3.2 GHz-dir. Operativ yaddaş 16 GB, SSD isə 256 GB-dır. Notbuk 13.3” düymlü Retina displeyə malikdir.

Yeni notbuk əldə etmək istəyirsinizsə Apple brendinə üz tutun. MacBook Air 13 notbukları ilə ən çətin layihələri asanlıqla yerinə yetirəcəksiniz. Məhsuldarlığı və geniş imkanları ilə seçilən bu modellər peşəkarlar üçün yaradılıb.

Görünüş və Ekran

Macbook Air 13 artıq klassik hesab edilən Silver rəngində mövcuddur. Korpus mat alüminiumdan hazırlanıb. Cihazın yan hissəsində 2 ədəd Thunderbolt 3, sağda isə qulaqlıq üçün giriş mövcuddur. Magic Keyboard klaviatura və Force Touch Trackpad sayəsində bütün tapşırıqlarınızı çevik yerinə yetirəcəksiniz. Klaviatura işıqlandırmaya sahibdir. Beləliklə, qaranlıqda asanlıqla mətn yığmaq mümkündür. Böyük Trackpad toxunuşlara dəqiq cavab verir. Klaviaturanın yan hissələrində dinamiklər yerləşdirilib. Səs güclü və təmiz ötürülür. Beləliklə, işlərinizi tamamlayıb film izləyə bilərsiniz. Macbook 13 Touch ID dəstəkləyir. Barmaq izini skan edərək notbuku blokdan çıxara, Apple TV tətbiqində ödəniş edə bilərsiniz.

Yeni Macbook 13.3” düymlü Retina displeyə sahibdir. Cızıqlara davamlı olan ekran oleofob örtüyə malikdir. Bu isə o deməkdir ki, istifadə zamanı şüşənin üzərində barmaq izi ləkələri qalmır. Displeyin əks parıltı xüsusiyyətləri sayəsində cihazdan gün işığı altında istifadə etsəniz belə kontent rahat oxunacaq. Keyfiyyətli displey rəngləri parlaq və dəqiq ötürür. Nəticədə, görüntü daha real və detallı təsvir edilir. İstənilən mətnlər rahat oxunur. Geniş baxış bucağına sahib ekran sevdiyiniz videoları, ən yeni filmləri izləmək üçün ideal ölçülərə sahibdir. TrueTone texnologiyası işıqlandırmanı avtomatik olaraq ətrafınızdakı işıqlandırmaya əsasən dəyişir.

M1 çipi displeyin üst hissəsində yerləşən kameranın işini optimallaşdırıb. Beləliklə, FaceTime vasitəsilə video zəng zamanı görüntü daha keyfiyyətli ötürülür. Neural Engine maşın öyrənmə sistemi sayəsində notbuk üz cizgilərinizi yaddaşda saxlayır və növbəti istifadə zamanı ətrafınızdakı işıqlandırmaya əsasən dərinizin tonunu təbii təsvir edir. 3 ədəd mikrofon sayəsində isə səsiniz aydın ötürüləcək.

Məhsuldarlıq

MacBook Air M1 çipi ilə təchiz edilib. Apple M1 mərkəzi prosessoru 3.5 dəfə, qrafik prosessoru isə 5 dəfə sürətləndirib. Neural Engine maşın öyrənmə texnologiyası sürətini 9 dəfə artırıb. MacBook Air notbuku istənilən çətinlikdə tapşırıqların öhdəsindən asanlıqla gələ bilir. Bundan başqa, Apple M1 çipinin köməkliyi ilə iPhone və iPad üçün tətbiqləri Macbook-da istifadə etmək mümkündür. Beləliklə, smartfonunuzda olan tətbiqləri notbuka yükləyib mobil oyunları oynaya, yemək sifariş verə, bank tətbiqlərindən istifadə edə bilərsiniz. Rosetta 2 texnologiyası ilə Intel prosessoru üçün nəzərdə tutulan tətbiqləri Macbook-da yükləmək və istifadə etmək olar.

M1 çipinin köməkliyi ilə gün ərzində daha çox iş yerinə yetirəcəksiniz. Prosessorun köməkliyi ilə batareyanın enerjisi qənaətli sərf edilir və günün sonunadək tükənmir. Ekranın aydınlığını artırıb Full HD video izləmək istəsəniz notbukun enerjisi 15 saat 30 dəqiqə fasiləsiz baxış üçün kifayət edir. Adi istifadə rejimində isə avtonom işləmə müddəti müddət 18 saata qədər artırıla bilər. Bundan başqa, Macbook Air 13 modelində ventilyator yoxdur. Bu isə o deməkdir ki, cihaz tamamilə səssizdir.