Xiaomi Redmi 9C geniş imkanlara sahibdir. Smartfon MediaTek Helio G35 prosessor və Android 10 əməliyyat sistemi üzərində işləyir. Daxili yaddaş 64 GB-dır.
Büdcəli smartfon axtarırsınızsa funksiyaları sayəsində gündəlik istifadə üçün ideal olan Xiaomi Redmi 9C modelinə diqqət yetirin. Smartfon sadə interfeysi, 2 gün tükənməyən enerjisi və üçlü kamera sistemi ilə seçilir.
Görünüş və Displey
Mavi rəng pərəstişkarları Redmi 9C smartfonunun parlaq korpusunu bəyənəcək. Yığcamlığı və plastik gövdəsi sayəsində cihaz cəmi 196 qram çəkiyə sahibdir. Qara çərçivədə yerləşdirilən kamera bloku və fləş müasir görünüşə sahibdir. Blokun altında dəqiq işləyən barmaq izi skaneri mövcuddur. Onun və ya üz tanıma funksiyasının köməkliyi ilə smartfonu sürətli blokdan çıxaracaqsınız. Ən əsası isə, məlumatlarınızın təhlükəsizliyi təmin edilir. Korpusun alt hissəsində microUSB üçün giriş, dinamik və mikrofon var. Yan hissələrdə səs idarəetmə ilə güc düymələri, 2 nanoSIM və 1 microSD kart üçün giriş mövcuddur.
İri ekran 6.53" düymlüdür və şüşədən hazırlanıb. HD+ ekran həlli və parlaq rəng çalarları sayəsində smartfonda filmə və ya izlədiyiniz serialın yeni bölümünə asanlıqla baxa biləcəksiniz. Dinamik səsi güclü təsvir edir. Daxil olan zəngləri rahat eşidəcəksiniz.
Prosessor və Avtonomluq
MediaTek Helio G35 prosessoru Redmi 9C modelini daha sürətli edib. Bütün sistem proseslərini idarə edən prosessor və 3 GB operativ yaddaş mobil tətbiqlərin və oyunların bir neçə saniyə ərzində işə salınmasını təmin edir. Android 10 əməliyyat sistemi üzərində işləyən smartfon sadə və zövqünüzə uyğun olaraq dəyişə bilən interfeysə sahibdir.
Sosial şəbəkələrdə dostlarınızla ünsiyyətdə olub şəkillərinizi paylaşmağı, oyun oynamağı, musiqi dinləməyi sevirsinizsə cihazın 5000 mAh qədər artırılmış batareyasını bəyənəcəksiniz. Günün sonunda isə adapter vasitəsilə sərf edilən enerjini bərpa edib istifadəyə davam edə bilərsiniz. Sizə lazım olan faylları, şəkillərinizi, videolarınızı smartfonda saxlaya bilməyiniz üçün 64 GB daxili yaddaş təqdim edilib. Lakin microSD kart vasitəsilə yaddaşı 1 TB qədər artırmaq mümkündür.
Kamera Sistemi
Üçlü kamera sistemi keyfiyətli şəkillər yarada bilir. Zəif işıq şəraitində çəkilən kadrlar aydınlığı ilə seçilir. 13 meqapikselli əsas kamera gündəlik istifadə üçün nəzərdə tutulub. Əlavə olaraq smartfonda 2 meqapikselli makro kamera və dərinlik sensoru mövcuddur. Selfi çəkə bilməyiniz üçün ön paneldə 5 meqapikselli kamera yerləşdirilib.