Aşağı büdcəli smartfonlar arasında Xiaomi Redmi 9A sevilən modeldir. İmkanları sayəsində müştərilərimiz tərəfindən ən çox alınan smartfonlar siyahısındadır. Telefonun istifadəsi çox rahatdır, sadə interfeys buna imkan yaradır.
Arxa korpus plastikdən hazırlanıb. Üzərində kamera və fləş yerləşdirilib. Yan hissədə səs və güc düymələri var, digər tərəfdə iki NanoSIM və bir microSD kart üçün giriş var. Korpusun üst hissəsində qulaqlıq üçün 3.5 mm-li giriş var. Alt hissədə mikrofon, dinamik və MicroUSB girişi mövcuddur.
Smartfon 6.53" düymlü IPS LCD ekrana sahibdir. Displey böyükdür, ekran həlli 720 x 1600-dir. Üst hissədə ön kamera üçün V-şəkilli kəsik var. Sensor toxunuşlara həssasdır və çox çevik işləyir. Cihaz üz tanımanı dəstəkləyir. Telefonun ölçüləri 77 x 164 x 9, çəkisi 194 qramdır.
Smartfonda MediaTek Helio G25 prosessoru istifadə edilib. Redmi 9A-nın operativ yaddaşı 2 GB, daxili yaddaş isə 32 GB-dır. MicroSD kart vasitəsilə telefonun yaddaşı 512 GB qədər artırıla bilər. Beləliklə daha çox yer əldə edilir. Batareya 5000 mAh tutumundadır. Büdcəli smartfon üçün bu əla göstəricidir. Gün ərzində zəng edə, messengerlərdən istifadə edə, videoya baxa, xəbər lentini oxuya, sosial şəbəkələrdə dostlarınızla ünsiyyətdə qala bilərsiniz.
Əsas kamera 13 meqapiksellidir və gün işığında keyfiyyətli şəkillər yarada bilir. Ön kamera 5 meqapiksellidir. Selfi çəkmək üçün sizin əvəzolunmaz köməkçiniz olacaq. Smartfon portret rejimində boke effekti ilə fotolar çəkir.
Xiaomi Redmi 9A smartfonunun qiymətini Kontakt.az onlayn mağazamızda digər Xiaomi modelləri ilə müqayisə edə bilərsiniz. Smartfonu onlayn cəmi 1 klikə sifariş etmək olar. Kuryerlərimiz qısa müddətdə sifarişi qapınıza kimi çatdıracaq.