Xiaomi Pad 5 planşeti 11" düymlü LCD IPS displeylə təchiz edilib. Cihaz 13 meqapikselli əsas kamera, sürətli Snapdragon 860 prosessor və 8720 mAh həcmli batareyaya sahibdir.
Xiaomi Pad 5 planşeti 120 Hz tezliyə malik ekrana, 8720 mAh tutumlu batareyaya və yüksək məhsuldarlığa sahibdir. Cihaza klaviatura birləşdirib onu notbuk kimi istifadə etmək mümkündür.
Görünüş
Sözügedən model qara rəngdə təqdim edilib. Korpus plastikdən, yan çərçivə isə alüminiumdan hazırlanıb. Arxa paneldə 13 meqapikselli əsas kamera və fləş yerləşdirilib. Kamera ilə 4K keyfiyyətində videolar və HDR şəkillər yaradacaqsınız. Zəif işıq şəraitində şəkillərin çəkilməsi üçün "Gecə" rejimləri mövcuddur. Gövdənin alt hissəsində 2 ədəd dinamik, mikrofon, USB Type-C, üst hissədə 2 ədəd dinamik, mikrofon və güc düymələri yerləşir. Yan tərəflərdə sağda səs düyməsi, 2 ədəd mikrofon və stilusu birləşdirmək üçün xüsusi maqnit, solda isə planşetə klaviaturanın qoşulması üçün konnektor var.
Ekran və Səs
Xiaomi Pad 5 böyük LCD IPS displeylə təchiz edilib. Ekran rəngləri parlaq və düzgün ötürür. Parlaqlıq 500 nit təşkil edir, maksimal tezlik isə 120 Hz-dır. Hamar keçidlər və yüksək detallıqla təmin ediləcəksiniz. Cihaz True Tone texnologiyasını dəstəkləyir. Bu texnologiya rənglərin tonunu ətrafınızdakı işıqlandırmaya uyğun olaraq dəyişir. Nəticədə, planşetdən uzun müddət ərzində istifadə etsəniz gözləriniz yorulmayacaq.
Planşet ön tərəfində oleofob örtük mövcuddur. Bu örtük ekranda barmaq izi ləkələrinin əmələ gəlməsinin qarşısını alır. Beləliklə, ön paneli tez-tez silmək ehtiyac qalmayacaq. Displeyin üst hissəsində 8 meqapikselli kamera mövcuddur. Kamera video zənglər zamanı görüntünün keyfiyyətli ötürülməsinə cavabdehdir. Əlavə olaraq, onu selfilərin çəkilməsi üçün istifadə etmək olar. 4 ədəd dinamik səsi Dolby Atmos keyfiyyətində ötürür. Keyfiyyətli görüntü güclü səs ilə müşahidə edilir.
Məhsuldarlıq
Qurğu Qualcomm Snapdragon 860 prosessor və 6 GB operativ yaddaşa malikdir. Bu səbəbdən sözügedən model məhsuldarlığı və sürəti ilə seçilir. Planşetdən aktiv istifadə etsəniz belə onun gövdəsi isinməyəcək və görüntü detallı təsvir ediləcək. Xiaomi Pad 5 xəbər və məqalələri oxumaq, videolar izləmək, oyun oynamaq üçün ideal ölçülərə sahibdir. Planşetə klaviaturanı birləşdirib mail göndərə, mətn yaza, Excel cədvəlləri ilə işləyə biləcəksiniz.
Vacib məlumatın saxlanılması üçün 128 GB daxili yaddaş mövcuddur. Yenilənmiş interfeys ekranın iki hissəyə bölünməsini dəstəkləyir. Nəticədə, eyni anda bir neçə tətbiqdən istifadə edəcəksiniz. 8720 mAh batareya 10 saat ərzində fasiləsiz onlayn oyunlar oynamaq üçün kifayət edəcək. Sərf edilən enerjini isə 2 saat ərzində bərpa etmək mümkündür.
