Xiaomi Mi 11 Lite 5G NE smartfonu 256 GB yaddaşa malikdir. Snapdragon 778G 5G prosessor smartfonun sürətini artırıb. 64 mpx əsas və 20 mxp ön kameralar mövcuddur.
Xiaomi Mi 11 Lite 5G NE smartfonunu qarşılayın. Sözügedən model məhsuldarlığı, keyfiyyətli kamera sistemi və 2 gün tükənməyən batareyası ilə seçilir.
Görünüş
Xiaomi Mi 11 Lite 5G NE zərif mavi rəngdə təqdim edilib. Plastik korpus sayəsində cihaz yüngül çəkiyə sahibdir. Arxa paneldə müasir kamera bloku yerləşir. Yan tərəfdə səs və üzərinə barmaq izi sensoru quraşdırılan güc düymələri mövcuddur. Əlavə olaraq üz tanıma funksiyası ilə cihazı blokdan çıxarmaq olar. Alt hissədə dinamik, əsas mikrofon, USB Type-C, 2 nanoSIM üçün girişlər var. İkinci nanoSIM yerinə microSD kart yerləşdirmək olar. Üst hissədə danışıq üçün mikrofon və infraqırmızı port mövcuddur.
Smartfon böyük AMOLED displey ilə təchiz edilib. Rənglərin parlaqlığı heyran edir. Beləliklə, görüntü daha təbii təsvir edilir. Videoları və filmləri smartfonda izləməkdən zövq alacaqsınız. Ekran tezliyi 90 Hz təşkil edir. Xəbər lentini tez sürüşdürdüyünüz zaman görüntü donmayacaq. Displeyin aydınlığı kontentin istənilən şəraitdə rahat oxunmasını təmin edir.
Prosessor və Batareya
Smartfonun məhsuldarlığı Snapdragon 778G prosessorundan asılıdır. 8 GB operativ yaddaş tətbiqlərin sürətli yüklənilməsinə kömək edir. Prosessor kameraların keyfiyyətini artırıb, enerjinin səmərəli sərf edilməsini təmin edir. Aktiv istifadə zamanı cihazın gövdəsi isinmir. Məhsuldarlığı sayəsində Xiaomi Mi 11 Lite 5G NE modelində müasir oyunları belə işə salmaq mümkündür.
4250 mAh həcmli batareya daha çox iş və əyləncə üçün yaradılıb. Smartfonu zənglər, xəbərləri oxumaq, video izləmək və yaxınlarınızla ünsiyyətdə qalmaq üçün istifadə edirsinizsə onun enerjisi 2 günə qədər kifayət edəcək.
Kamera bloku
Arxa paneldə yerləşən kamera bloku ilə möhtəşəm şəkil və 4K keyfiyyətində videolar yaradacaqsınız. 64 meqapikselli əsas kamera gün işığı altında aydın şəkillər çəkə bilir. Daha parlaq fotolar üçün süni intellektdən istifadə edin. Zəif işıq şəraitində belə Xiaomi Mi 11 Lite 5G NE detallı kadrlar tuta bilir. Bunun üçün "Gecə" rejimi əlavə edilib. Bundan başqa kamera blokuna 8 meqapikselli geniş bucaqlı və 5 meqapikselli makro kameralar yerləşdirilib. Ön paneldə olan kamera "Portret" rejimini dəstəkləyir. Bu rejim vasitəsilə peşəkarcasına emal edilmiş selfilər əldə edəcəksiniz.