18 м 61,11 ₼
Yemək hazırlamaq çox asandır! Əgər mətbəxinizdə Bosch HBJ558YS0Q elektrik sobası var. Sözügedən sobanın köməyi ilə yemək hazırlamağa təzə başlasanız belə mükəmməl nəticə əldə edəcəksiniz. 8 isitmə rejiminə sahib bu model vasitəsilə istənilən reseptləri rahat hazırlamaq olar.
Sobanın üst hissəsi gümüşü rəngdədir, üzərində iri sensorlu displey və idarəetmə düymələri yerləşir. Qapı 3 qat şüşədən hazırlanıb. Beləliklə, isti səth ilə təmasda olmaqdan qorunmuş olursunuz. Əlavə təhlükəsizliyini uşaqlardan müdafiə funksiyası təmin edir. Ailənizin balaca üzvləri panelə əl vursalar belə seçilən rejimi və temperaturu dəyişmək mümkün olmayacaq.
Daxili kameranın tutumu 66 litrdir. Bu həcm eyni anda 3 tavadan istifadə etmək üçün kifayətdir. Üstəlik, hər tavada olan yemək ideal hazırlanacaq. Çünki Bosch HBJ558YS0Q modeli 3D Hot Air texnologiyası ilə təchiz edilib. Onun vasitəsilə sobanın daxilində isti bərabər paylanılır. Konveksiya rejimi sayəsində isə ət yeməkləriniz ləzzətli xırçılddayan qabığa sahib olacaq. Dondurucudan təzə çıxarılan ətin donunu açmaq üçün saatlarla gözləməyə ehtiyac yoxdur. Bosch sobasında DeFrost funksiyası mövcuddur.
EcoClean örtük sayəsində soba istifadədən sonra asan təmizlənir. Divarların səthi keramik mikrokürələrdən ibarətdir. Mikrokürələr yağ sıçramalarını parçalayır. Nəticədə təmizlik zamanı əziyyət çəkməyəcəksiniz. Sobanın qapısı yumşaq bağlanır və açılır. Qapını əlinizlə itələyib buraxın. Amortizatorlar onun sakit və asta bağlanmasını təmin edir.
