Samsung Galaxy A32 qiyməti və parametrləri ilə saytımızda tanış olun. Smartfon 64 meqapikselli kamera, 2 SIM kart üçün giriş, 64 GB daxili yaddaş və tutumlu batareyaya sahibdir.

Samsung Galaxy A32 DS modelində müasir smartfonun sahib ola biləcəyi bütün xüsüsiyyətlər mövcuddur. Büdcə dostu kateqoriyasına aid olmasına baxmayaraq bu model 64 meqapikselli əsas, 20 meqapikselli selfi kameraları, böyük həcmli batareya və 2 SIM kart üçün girişlə təchiz edilib.

Görünüş

Samsung Galaxy A32 DS (SM-A325) modelinin arxa paneli diqqəti cəlb edir. Digər smartfonlardan fərqli olaraq kamera bloku qara çərçivənin daxilinə yerləşdirilməyib. Cihaz pastel mavi rəngdə təqdim edilib. Möhkəm plastik korpus mexaniki zərbələrə davamlıdır. Ön panel şüşədəndir. Gorilla Glass 5 sayəsində ekran cızıqlardan qorunur. Cihazın alt hissəsində Type-C və qulaqlıq üçün girişlər mövcuddur. Üst və alt hissədə yerləşən mikrofonlar sayəsində səs təmiz və dəqiq ötürülür. Beləliklə zəng etdiyiniz şəxs səsli yerdə olsanız belə sizi aydın eşidəcək.

Displey

Samsung A32 6.4" Super AMOLED displeylə təchiz edilib. Böyük ekran FullHD keyfiyyətini nümayiş edir. Aydınlığı istədiyiniz kimi tənzimləmək olar. Beləliklə, smartfondan günün istənilən vaxtı gözlərinizi yormadan istifadə edə bilərsiniz. Gecə rejimində belə kontent rahat oxunur. Rənglər parlaq ötürülür. Dinamik kadrlar detallı və aydın təsvir olunur. Ekran həm video izləmək, həm də oyun oynamaq üçün ideal ölçülərə sahibdir.

Yaddaş və Batareya

Tətbiqlərin sürətli işə salınmasına, foto və videoların bir neçə dəqiqə ərzində göndərilməsinə MediaTek Helio G80 prosessor cavabdehdir. Batareyə tutumu 5000 mAh-dır. Bu isə ekran sönülü vəziyyətdəykən 93 saata qədər musiqi dinləmək deməkdir. Galaxy A32 sürətli enerji yığmanı dəstəkləyir. Bunun üçün sizə 15 Vt adapter lazım olacaq.

Cihaz Android 11, One UI 3.1 əməliyyat sistemi üzərində işləyir. Operativ yaddaş 4 GB, daxili yaddaş isə 64 GB-dır. MicroSD kart vasitəsilə yaddaşı daha da artırıb saxlama yerini genişləndirdə bilərsiniz. İşiniz və şəxsi həyatınızla bağlı bütün vacib məlumatlar hər zaman yanınızda olacaq. Məlumatlarınızın təhlükəsizliyini təmin etmək üçün cihaz üz tanımanı dəstəkləyir və dəqiq işləyən barmaq izi skaneri ilə təchiz edilib.