Samsung Galaxy A12 smartfonu büdcə dostu sayılsa belə istifadəçilər tərəfindən kameraları, həcmli batareyası və eyni anda 2 SIM kartdan istifadə edə bilmək qabiliyyəti sayəsində sevilir.
Əgər siz az vəsait sərf edib gündəlik tələblərinizi yerinə yetirə bilən smartfon əldə etmək istəyirsinizsə Samsung Galaxy A12 modelinə nəzər yetirməyinizi məsləhət edirik. Məhsuldarlığı ilə bu smartfon sizi təəccübləndirə bilər.
Ekran və Görünüş
Böyük ekrana sahib olan smartfonları sevirsinizsə Galaxy A12 modeli sizi 6.5" düymlü PLS TFT LCD ekran ilə sevindirəcək. Parlaq və detallı görüntü sayəsində diqqətiniz tam olaraq kontentdə cəmlənir. Arxa panel mavi rəngdədir və relyefli plastikdən hazırlanıb. Üst hissəsində mikrofon, alt hissədə isə dinamiklər, qulaqlıq, USB Type-C üçün girişlər və ikinci mikrofon yerləşir. Yan tərəflərdə isə 2 nanoSIM və 1 microSD üçün giriş, səs və üzərində barmaq izi skaneri olan güc düymələri mövcuddur.
Kameralar
Şəkil çəkməyi sevirsiniz? Həyatınızın ən gözəl anlarını yaddaşda saxlaya bilməyiniz üçün Samsung öz smartfonunu universal kamera bloku ilə təchiz edib. Arxa paneldə 48 meqapikselli əsas kamera, 5 meqapikselli geniş bucaqlı kamera, 2 meqapikselli makro kamera və 2 meqapikselli dərinlik sensoru, ön paneldə isə 8 meqapikselli selfi üçün kamera yerləşdirilib. Arxa fonun bulanıq effekti üçün "Canlı fokus" rejimi mövcuddur.
Məhsuldarlıq
Əgər gün ərzində smartfondan çox istifadə edirsiniz, Galaxy A12 modeli ilə adapteri özünüzlə daşımağa ehtiyac qalmayacaq. 5000 mAh tutumlu batareya ilə imkanlarınız sərhədsizdir. Zəng edin, mesaj və mail göndərin, musiqi dinləyin, hətta oyun oynayın - bu cihazın enerjisi ehtiyaclarınıza kifayət edir. Smartfonu tez şarj etmək lazım olsa 15 Vt adapterdən istifadə edin. A12 sürətli enerji yığmanı dəstəkləyir. Beləliklə, qısa müddət ərzində cihaz yenidən istifadə üçün hazır olacaq.
Telefon Exynos prosessor üzərində işləyir. Operativ yaddaş isə 3 GB-dır. Bu da istənilən tapşırıqlarınızı sürətli yerinə yetirmək üçün kifayətdir. Lazım olan faylların saxlanılması üçün isə 32 GB daxili yaddaş təqdim edilib. Əlavə olaraq microSD kart vasitəsilə yaddaşı 1 TB qədər artırmaq imkanı da mövcuddur.
