Samsung Galaxy A02 qiymeti ilə Kontakt az saytında tanış ola bilərsiniz. Əməliyyat sistemi Android 10-dur. Şəkillərin yaradılması üçün 13 mpx əsas, 2 mpx makro, 5 mpx ön kameralar var.

Samsung Galaxy A02 smartfonu büdcə dostu kateqoriyalı modellərə aid olsa belə daxilində gündəlik istifadə üçün lazım olan bütün xüsusiyyətlər mövcuddur. Möhtəşəm ekran, çox tutumlu batareya və 13 meqapikselli əsas kamera sayəsində bu model istifadəçiləri tərəfindən çox sevilir.

Görünüş və Displey

Smartfonun korpusu möhkəm plastikdən hazırlanıb. Parlaq rənglərə üstünlük verənlərə seçimi Samsung Galaxy A02 Red modelində dayandırmağı məsləhət edirik. Korpusun sol tərəfində 2 ədəd nanoSIM və 1 microSD kart üçün slot, sağ tərəfində isə güc və səs düymələri mövcuddur. Alt hissədə dinamik, micro USB, mikrofon və 3.5 mm qulaqlıq üçün giriş var.

6.5” düymlü IPS LCD ekran şüşə ilə örtülüb. Görüntü keyfiyyətli təsvir edilir. Smartfon avtomatik işıq idarəetmə sensoru ilə təchiz edilib. Beləliklə, onu açıq havada, günəş altında rahat istifadə edə bilərsiniz. Bir neçə dəqiqəlik qapalı yerə daxil olmaq lazım olsa belə, telefon dərhal optimal ekran işıqlandırmasını özü avtomatik tənzimləyəcək.

Məhsuldarlıq və Kamera Bloku

Sistem proseslərinin çevik yerinə yetirilməsinə MediaTek MT6739W prosessor cavabdehdir. 2 GB operativ yaddaş tətbiqlərin bir neçə saniyə ərzində işə salınmasını təmin edir. Şəkil və videoların ötürülməsi, mesajların göndərilməsi, gündəlik zənglər və s. kimi gündəlik işlərinizin yerinə yetirilməsi üçün Galaxy A02 modeli idealdır. Məlumatın saxlanılması üçün 32 GB daxili yaddaş ayrılıb. Lakin, microSD kartın köməkliyi ilə yaddaş həcmini artıra biləcəksiniz.

5000 mAh həcmli batareya aktiv istifadə üçün nəzərdə tutulub. Batareyanın enerjisi 16 saat video izləmək və ya 78 saat fasiləsiz musiqi dinləmək üçün kifayətdir. Beləliklə, evinizdən çıxanda USB naqili və adapteri evdə saxlaya bilərsiniz.

Şəkillərin yaradılması üçün Galaxy A02-nin arxa panelində 13 meqapikselli əsas kamera, 2 meqapikselli makro modul və fləş yerləşdirilib. Gün işığı altında kamera aydın və parlaq şəkillər yarada bilir. 5 meqapikselli ön kamera ilə qüsursuz selfilər əldə edəcəksiniz.