Redmi 9C qiymeti və parametrləri Kontakt az saytında təqdim edilib. Daxili yaddaş 32 GB, batareyanın tutumu isə 5000 mAh-dır. 6.53” düymlü ekran görüntünü HD+ keyfiyyətində təsvir edir.
Sadə interfeysə və klassik görünüşə sahib smartfon axtarırsınızsa Xiaomi Redmi 9C modelinə nəzər yertirin. Əlverişli qiyməti və keyfiyyəti sayəsində cihaz istifadəçilər tərəfindən yüksək qiymətləndirilib. Smartfon gündəlik istifadə üçün lazım olan bütün funksiyalara malikdir.
Dizayn və Displey
Redmi 9C qara rəngdə təqdim edilib. Relyefli plastik sayəsində istifadə zamanı smartfon əlinizdən təsadüfən sürüşməyəcək və korpusun üzərində barmaq izləri qalmayacaq. 6.53 düymlü ekran şüşə ilə örtülüb. Parlaq rənglərdən zövq ala bilməyiniz üçün Xiaomi öz smartfonunu HD+ ekran həllinə sahib IPS LCD displeylə təchiz edib. Böyük ekran əldə rahat yerləşir. Displeyin aydınlığı ətrafınızdakı işıqlandırmaya əsasən avtomatik tənzimlənir.
Arxa paneldə müasir görünüşə sahib kamera bloku və məlumatlarınızın təhlükəsizliyinə cavabdeh olan barmaq izi skaneri yerləşdirilib. Skanerlə yanaşı smartfonu üz tanıma funksiya vasitəsilə blokdan çıxara bilərsiniz. Gövdənin alt hissəsində güclü dinamik, micro USB girişi və mikrofon, yan tərəfdə isə 2 ədəd nanoSIM və 1 microSD kart üçün giriş mövcuddur. Həm iş, həm şəxsi nömrənizi bir smartfonda birləşdirə biləcəksiniz. Dinamikin güclü səsi sayəsində zəngin səsini asanlıqla eşidəcəksiniz.
Prosessor və Batareya
Redmi 9C Kontakt Home saytında ən çox seçilən məhsullar siyahısındadır. Bunun səbəbi onun büdcə dostu smartfonlar kateqoriyasına aid və eyni zamanda geniş imkanlara sahib olmasıdır. Cihazı daha məhsuldar edən MediaTek Helio G35 prosessor 2 GB operativ yaddaşla yanaşı interfeysin işini idarə edib mobil tətbiqlərin, oyunların sürətli işləməsini təmin edir. Ekranı sürətli sürüşdürdüyünüz zaman ekran donmur. Vacib məlumatın hər zaman əlinizin altında olması üçün 32 GB daxili yaddaş təqdim edilib. MicroSD kart ilə saxlama yerini 512 GB qədər artıra bilərsiniz.
Xiaomi Redmi 9C modelinin daha həcmli batareyası ilə smartfonunuz enerjisiz qalmayacaq. 5000 mAh tutumu sayəsində batareyanın enerjisi aktiv istifadə zamanı günün sonunadək kifayət edir. Adi rejimdə isə enerji 2 gün ərzində tükənməyəcək.
Kameralar
İdeal kadr və mükəmməl fon sizi istənilən zaman tapa bilər. Bu imkandan istifadə edib təkrarolunmaz şəkil yarada bilməyiniz üçün smartfonun arxa panelində keyfiyyətli kamera bloku yerləşdirilib. 13 meqapikselli əsas kamera gündüzlər parlaqlığı və detallığı ilə seçilən şəkillər və videolar yarada bilir. Gecə rejimində görüntü stabilliyini qoruyur. Yaxın kadrlar üçün 2 meqapikselli makro kameradan istifadə edin. Arxa fonu bulanıq edərək çəkiliş subyektini ön plana çıxarmaq üçün dərinlik sensorundan istifadə edin. Ön paneldə yerləşdirilən 5 meqapikselli kamera sizi keyfiyyətli selfilərlə təmin edəcək.
