Realme C11 smartfonu plastik korpusa malikdir. 5000 mAh tutumlu batareya ilə 48 saat ərzində fasiləsiz musiqi dinləyə biləcəksiniz. Kamera blokuna 8 mpx kamera ilə fləş daxildir.

Realme C11 klassik görünüşü və funksionallığı ilə seçilir. Qara rəngdə təqdim edilən smartfon enerjisi 2 gün tükənməyən batareyaya, 8 meqapikselli kameraya və böyük daxili yaddaşa malikdir.

Görünüş və Ekran

Korpus relyeflidir və möhkəm plastikdən hazırlanıb. Displey şüşə ilə örtülüb, üst hissəsində 5 meqapikselli kamera mövcuddur. Alt hissədə mikrofon, 3.5 mm qulaqlıq üçün giriş və MicroUSB girişi mövcuddur. Arxa paneldə müasir görünüşə sahib kamera bloku və dinamik yerləşdirilib. Kamera blokuna 8 meqapikselli əsas kamera ilə fləş daxildir.

6.52” düymlü IPS LCD displey görüntünü parlaq və aydın ötürür. Ekran toxunuşlara həssasdır, interfeys asanlıqla idarə edilir. Smartfonun ölçüləri isə onun bir əllə idarə edilməsi və kontentin rahat izlənilməsi üçün imkan yaradır.

Məhsuldarlıq və Avtonomluq

Realme C11 modelində Unisoc SC9863A prosessorundan istifadə edilib. Əməliyyat sistemi Android 11-dir. 2 GB operativ yaddaş tətbiqlərin çevik işə salınmasına kömək edir. Brauzerdə eyni zamanda bir neçə pəncərə aça, xəbər lentini sürətli sürüşdürə biləcəksiniz. Məlumatın saxlanılması üçün 32 GB daxili yaddaş ayrılıb.

Smartfon yüksək avtonomluğu ilə seçilir. Bunun səbəbi 5000 mAh həcmli batareyaya bağlıdır. Dostlarınıza və yaxınlarınıza mesajlar, foto və videolar göndərə, onlayn videolara baxa, sosial şəbəkələri izləyə bilərsiniz – Realme C11 batareyanın enerjisini növbəti günə qədər saxlayacaq.