18 м 100,00 ₼
Əgər siz qəhvəni çox sevirsinizsə özünüzə Delonghi ETAM 29.660.SB qəhvəbişirənini hədiyyə edin. Bu çoxfunksional qurğu vasitəsilə peşəkar baristaların hazırladığı içkini ev şəraitində əldə etmək olar. Cihazın arxa hissəsində böyük həcmli su rezervuarı yerləşir. Üst hissədə qəhvə dənəcikləri, yanında isə üyüdülmüş qəhvə üçün nəzərdə tutulmuş konteyner var. Üyüdmə dərəcəsini zövqünüzə görə seçə bilərsiniz. Üst hissədə fincanları isidmək üçün panel mövcuddur. İdarəetmə paneli sensorludur. Seçdiyiniz rejim və vacib bildirişlər iri displeydə əks edilir.
Kapuçinator vasitəsilə mükəmməl kapuçino hazırlamaq olar. Bunun üçün kapuçinatorun yanında yerləşən süd konteynerindən istifadə edin. Konteyner Latte Crema System ilə təchiz edilib. Bu sistem vasitəsilə hazırladığınız içkiyə əsasən süd köpüyünün hündürlüyünü seçmək olar. Köpük səviyyəsinin 3 rejimi mövcuddur: yüksək köpük kapuçino, az miqdarda latte üçün və köpüksüz. Əgər siz sadəcə isti süd içmək istəyirsinizsə köpüksüz rejimi seçin. Kapuçinator asanlıqla süddən təmizlənir. Bunun üçün Latte Crema System düyməsini Clean rejiminə çevirin. Konteynerdə istifadə edilməmiş süd qalıbsa onu yerindən çıxardıb soyuducuda saxlamaq olar.
Qəhvəbişirənin təmizlənməsi çox asandır. Hər istifadədən əvvəl özü-özünü təmizləmə rejimi avtomatik işə salınır. Qəhvə hazırlama prosesi isə çox az vaxt sərf edir. "Milk Menu" düyməsinə basıb istədiyiniz içkini seçin. Qalan işi Delonghi ETAM 29.660.SB modeli öz üzərinə götürəcək! Cihaz vasitəsilə espresso, kapuçino, latte, makiato, long, doppio, amerikano hazırlaya bilərsiniz.
