Paltarların ütülənməsi xoşa gələn bir iş olmasa belə buxar generatorunun əldə edilməsi ilə bu prosesi asanlaşdıra bilərsiniz. Braun İs5155Bk Ss modelinin köməkliyi ilə geyimlərinizin ütülənməsinə 2 dəfə az vaxt sərf edəcəksiniz. Korpus keyfiyyətli plastikdən hazırlanıb. Texnikada parlaq rəngləri sevirsinizsə ütünün bənövşəyi rəngini bəyənəcəksiniz.
Cihaz boylerin üzərində yerləşən 3 düymə ilə idarə edilir: güc dürməsi, reset və ECO. Ütünün altlıqda etibarlı şəkildə yerləşməsi üçün Easy Lock kilidi mövcuddur. Qulpun alt hissəsində buxar rejimi düyməsi yerləşir. Buxar zərbəsini işə salmaq üçün düyməyə 1 dəfə basmaq kifayətdir. Buxar zərbəsinin gücü dəqiqədə 480 qramdır. Braun İs5155Bk Ss qalın parçalarda belə qırışları asanlıqla aça bilir. Buxarın daimi verilməsini istəyirsinizsə düyməyə 2 dəfə basın.
Fast Clean sistemi vasitəsilə boyleri asanlıqla ərpdən təmizləmək olar. Rezervuarın tutumu 2 litrdir, bu da geyimlərin 3 saat ərzində buxarla ütülənməsi üçün kifayət edir. Cihaz 2 rejimə sahibdir: Smart iCare və ECO rejimi. Smart iCare rejimi istənilən növ parça üçün temperaturu avtomatik olaraq təyin edir. Nəticədə geyimləriniz qayğılı şəkildə ütülənir. Bu rejim daha çox yun, poliester, pambıq, viskoza kimi parçalar üçün üyğundur. Əgər ütüləmək üçün sizə çox buxar lazım olmasa ECO rejimindən istifadə edin. Bu rejimdə daha az su və elektrik enerji sərf edilir.
