iPhone 13 Pro Max 512 GB daxili yaddaşla təmin edilib. Smartfonun korpusu Ceramic Shield ilə cızıqlardan qorunur. Əlavə olaraq smartfon suya və toza davamlıdır.
iPhone 13 Pro Max güclü parametrlərə malikdir. Böyük yaddaşı və yenilənmiş prosessor sayəsində cihazın imkanları genişləndirildi. Smartfonun köməkliyi ilə iş prosesini idarə edə, peşəkar keyfiyyətli şəkillər və 4K videolar yarada, onlayn video izləyə bilərsiniz.
Görünüş və Ekran
Saytımızda iPhone 13 Pro Max Silver rəngində təqdim edilib. Açıq rəngli smartfonları sevirsinizsə bu model sizin üçündür. Yan çərçivə paslanmayan poladdan hazırlanıb. Arxa və ön panellərin materialı möhkəm şüşədir. Ön panel cızıqlardan Ceramic Shield materialı ilə qorunur. Apple şirkətinin yaratdığı bu innovativ material ekranın zərbələrə davamlılığını 4 qat artırıb. IP68 qorunma dərəcəsinə sahib iPhone 13 Pro Max suya və toza qarşı davamlıdır.
Böyük OLED displey görüntünün keyfiyyətli ötürülməsini təmin edir. Artırılmış parlaqlığı sayəsində həm qaranlıq otaqda, həm gün işığı altında gəzinti zamanı kontent ideal oxunur. İlk dəfə olaraq bu modeldə ProMotion texnologiyası istifadə edilib. İzlədiyiniz kontentdən asılı olaraq ekran tezliyi avtomatik olaraq 10-120 Hz arası dəyişir. Görüntü üçün yüksək detallıq lazım olanda tezlik 120 Hz qədər qaldırılır. Smartfonu adi rejimdə istifadə etdiyiniz zaman isə ekran tezliyi azalır. Nəticədə, smartfon enerjini daha səmərəli sərf edir.
Məhsuldarlıq və Avtonomluq
Smartfonun məhsuldarlığına müasir A15 Bionic çipi cavabdehdir. Yeni çip özündə inanılmaz məhsuldarlığı və sürəti birləşdirir. Nəticədə, fors-major hallarda iPhone 13 Pro Max sizə notbuku və ya peşəkar fotoaparatı əvəz edə bilər. 6 nüvəli mərkəzi prosessor sistem proseslərini, enerjinin sərf edilməsini, kamera və üz tanıma sistemlərinin işini optimallaşdırır. 5 nüvəli qrafik prosessor sayəsində yeni Pro Max digər smartfonlarla müqayisədə qrafikanı 50% daha sürətli emal edir. iOS 15 əməliyyat sistemi interfeysin stabilliyini və çevikliyini təmin edir. Sözügedən model iPhone modelləri arasında ən böyük daxili yaddaşa sahibdir. Təqdim edilən 512 GB yaddaş istənilən məlumatın saxlanılması üçün kifayət edir. iPhone-a hətta HD keyfiyyətində film yükləyə bilərsiniz.
Yeni Pro Max daha uzun müddət ərzində avtonom işləyə bilir. Bunun səbəbi 4352 mAh qədər artırılan batareya ilə bağlıdır. Beləliklə, işə və ya dostlarınızla həftə sonu görüşə gedəndə adapteri və USB naqili evdə qoya bilərsiniz. Aktiv istifadə üçün belə smartfonu gün ərzində bir dəfə şarj etməyiniz kifayətdir. Cihazın enerjisi 95 saatadək fasiləsiz musiqi dinləmək üçün kifayət edir.
Kameralar
iPhone 13 Pro Max ilə hər bir kadr parlaq və detallı alınır. A15 Bionic çipinin köməkliyi ilə kameralar gecə zamanı belə yüksək keyfiyyətli şəkillər yaradırlar. Əlavə olaraq arxa paneldə yerləşdirilən kameraların ölçüləri böyüdülüb. 77 mm telefoto kamera 3X optik zoom-a sahibdir. Bu xüsusiyyət sayəsində makro rejimdə çəkiliş etmək olar. Beləliklə, cihaza əlavə makro kamera yerləşdirməyə ehtiyac qalmır. 12 meqapikselli ultra geniş bucaqlı kamera avtofokusa sahibdir. Avtofokusun köməkliyi ilə smartfonu çəkiliş obyektindən 2 sm aralıqda tutsanız belə yüksək detallığa sahib kadrlar əldə edəcəksiniz.
Smartfonun köməkliyi ilə mükəmməl qrup şəkilləri yaradacaqsınız. “Smart HDR 4” rejimi ilə obyektivə düşən hər bir nəfər üçün parlaqlıq və kontrast individual olaraq tənzimlənir. Dəri tonu isə təbii qalır. Nəticədə, daha keyfiyyətli kadrlar əldə edilir.
Apple-dan daha bir yenilik – “Kinoeffekt” rejimi. Bu rejim vasitəsilə iPhone 13 Pro Max smartfonuna film çəkmək mümkündür. A15 çipinin alqoritmləri çəkiliş zamanı arxa fona bulanıq effekti tətbiq edir. Bu zaman fokus bir obyektdə cəmlənir. Kadra ikinci obyekt düşən kimi fokus avtomatik olaraq yeni obyektə yönləndirilir. Obyektivin yenilənmiş dizaynı sayəsində ultra geniş kamera makro rejimdə bənzərsiz videolar yarada bilir.
