Kontakt Home Apple Watch 7 saatını əlverişli təkliflə təqdim edir. Parlaq qırmızı korpus suya və toza davamlıdır. Zərbələrdən qorxmayan ekran 1.69 düym ölçüsündədir.
Apple Watch 7 sağlamlığınızın qayğısına qalan və smartfonunuzun funksiyalarına sahib olan bir qadcetdir. Onun köməkliyi ilə qanda oksijen miqdarını izləyə, stress səviyyəsini azalda və daim hərəkətdə qala biləcəksiniz.
Görünüş
Parlaq qırmızı rəngi ilə diqqəti cəlb edən, görünüşünüzü ideal tamamlayan dəbli aksessuar möhkəm və zərərsiz materiallardan hazırlanıb. Apple Watch 7 Red modeli alüminium korpusa sahibdir. 1.69 düymlü Retina displey çatlara və cızıqlara davamlı olan şüşə ilə örtülüb. 1.7 mm qalınlığında olan çərçivə öncəki modellərlə müqayisədə daha nazik olub. Beləliklə, ekranda daha çox məlumat əks edilir və düymələrin ölçüləri böyüdülüb. Displeyin parlaqlığı 70% artırılıb. Nəticədə, günəş işığı altında belə mətn və rəqəmlər aydın oxunur.
Apple Watch Series 7 modellərinin korpusu zərbələrlə yanaşı toz və sudan qorxmur. Saatı qolunuza taxıb hovuzda məşq edə, dənizdə üzə bilərsiniz. Cihaz su altında 50 metr dərinliyində istifadə üçün nəzərdə tutulub. IP6X tozdan qorunma dərəcəsi sayəsində evinizdə təmir işləri ilə məşğul olsanız belə saatın daxilinə toz hissəcikləri keçməyəcək.
Məhsuldarlıq və Funksiyalar
Apple Watch 7 WatchOS 8 əməliyyat sistemi üzərində işləyir. Bu da sizin üçün daha geniş imkanlar açır. Saatı iPhone smartfonuna birləşdirib onun vasitəsilə gündəlik işlərinizi həll edə bilərsiniz. Apple Watch 7 zəng edə, mesaj göndərə, smartfona gələn bütün bildirişləri əks edə bilir. Onun köməkliyi ilə hətta mağazada ödəniş etmək mümkündür. Əlavə olaraq cihaz Siri səsli köməkçinin işini dəstəkləyir.
Əlbəttə ki, saatın əsas məqsədlərindən biri sağlamlığınızın qayğısına qalmaqdır. Bunun üçün Apple brendi öz yeni smart saatında velosiped, pilates və rəqs məşqlərinin növlərini artırıb. Məşqə bir neçə dəqiqə ara vermək istəsəniz saat dayandığınızı müəyyənləşdirəcək. Daha sonra hərəkət etməyi davam edən kimi bütün göstəricilər qeyd ediləcək. Beləliklə, idmanla məşqul olduğunuz müddət, itirilən kalorilər dəqiq hesablanır.
İdmana hər zaman motivasiyanız olsun istəyirsiniz? Activity halqalarından istifadə etməyə başlayın. 3 ədəd rəngli halqalar gün ərzində hərəkət etməyinizi, sərf etdiyiniz kalori miqdarını və məşq müddətini qeyd edir. Aktiv olmağa davam edib halqaları bağlayın və yeni mükafatlar qazanın.
Apple Watch 7-dən daim istifadə etməyiniz üçün batareya təkmilləşdirilib. Saatı 0%-dan 80% qədər şarj etmək üçün 45 dəqiqə vaxt lazım olacaq. Gecə yuxu rejiminizi izləyə bilməyiniz üçün isə saatı 8 dəqiqə şarj etməyiniz kifayətdir.