2020 ilin gözlənilən qadсeti Apple Watch Series 6 əldə etmək istəyirsiniz? O zaman Kontakt Home mağazaları sizi gözləyir. Əgər siz sağlam və aktiv həyat tərzini sevirsinizsə, smart saat sizin üçün çox faydalı köməkçi olacaq.
Saatın korpusu alüminiumdan hazırlanıb. Ölçüləri 38 x 44 x 10.4 mm-dir. Ekran həlli 368 x 448. Ekran cızıqlara və zərbəyə davamlı şüşədən hazırlanıb. Displeyin üstü oleofob örtük ilə ləkələrdən qorunur. Korpusun sağ tərəfində Digital Crown, yan düymə və mikrofon, sol tərəfdə isə dinamiklər yerləşdirilib. Arxa paneldə pulsoksimetrın işini təmin edən 4 sensor var.
Displey Always-On rejimini dəstəkləyir. Ekranın aydınlığı aşağı salınır və siferblat daim təsvir edilir. Smart saat əlavə enerji toplamadan 18 saat ərzində işləyə bilir.
Cihaz sudan və tozdan WR50 standartı ilə etibarlı qorunur. Hovuzda üzərkən saatı rahat istifadə edə bilərsiniz.
Smart saat çox funksional əməliyyat sisteminə sahibdir. Onun vasitəsilə saatda bildirişlərə baxıb onlara cavab verə bilərisiniz. AppStore-dən müxtəlif tətbiqetmələr yükləmək, musiqi dinləmək, naviqasiya sistemindən istifadə etmək, idman ilə məşğul olmaq, smartfonun bəzi funksiyalarını yerinə yetirmək olar.
Apple Watch Series 6-nın faydalı funksiyalarına “Qanda oksigenin ölçülməsi” əlavə edilib. Tətbiqə daxil olub ”başla” düyməsini basan kimi 15 saniyə ərzində cihaz qanda oksigenin faizini ölçməyə başlayır. Əlavə olaraq saat gün ərzində bu funksiyanı avtomatik olaraq işə salır.
Digər yenilik: yüksəkliyi təyin edə bilən “Altimetr”. Aktiv istirahəti sevən insanlar üçün nəzərdə tutulub. Tətbiq daim işləyir və hərəkət zamanı 30 sm dəqiqliklə hansı hündürlükdə olduğunuzu göstərə bilir.
Smart saat WatchOS əməliyyat sistemi ilə işləyir. Sistemə yeni siferblatlar əlavə edilib. Siferblatda əks olunan tətbiqləri, rəngləri öz zövgünüzə və tələblərinizə görə dəyişə bilərsiniz.
“Yuxu” tətbiqetmə sayəsində öz yuxu rejiminizi tənzimləyə və izləyə bilərsiniz. Tətbiq təyin etdiyiniz vaxtda avtomatik olaraq smart saatda və telefonda Do not disturb rejimini işə salır. Smartfonu işlətməyə davam etsəniz saat sizə yuxu vaxtınızın gəldiyi barəsıində bildiriş göndərəcək. Növbəti gün qeyd etdiyiniz vaxtda saat sizi oyadacaq və displeydə hava proqnozu, akkumulyatorun enerjisi, və təqvimdə günlük planlarınızı əks edəcək.
Əlavə “Əllərin yuyulması” funksiyası mövcuddur. Saat vasitəsilə əllərinizi yuyanda tövsiyyə edilən 20 saniyəni izləyə bilərsiniz.
Yeni məşqlər əlavə edilib: rəqs, funksional güc, core və bərpa məşqləri. Siri səs köməkçisi yenilənib. Səsli tərcümə funksiyası əlavə edilib.
Apple Watch Series 6 almaq üçün kontakt.az saytına daxil olun. Cəmi 1 klikə arzu etdiyiniz məhsula sahib olun.