Gününüz bir əlinizdə tozsoranla keçir? Özünüzə robot tozsoran hədiyyə edin. Dostlarınızla kafedə görüşüb söhbət edənə kimi bu möcüzəvi cihaz evinizi təmizləyəcək. SAMSUNG şirkətinin təqdim etdiyi VR05R5050WG/EV modeli quru və nəm təmizləmə üçün nəzərdə tutulub. Konteynerə su doldurub cihazın alt hissəsinə təmizlik bezini taxın. Cihaz avtomatik lazım olan rejimi seçib işə başlayacaq. Tozsoran döşəmənin üzərində olan toz və qırıntıları yığıb bez vasitəsilə bütün çirkli ləkələri effektiv aradan qaldıracaq.
SAMSUNG VR05R5050WG/EV modelinin hündürlüyü cəmi 8.5 sm-dir. Tozsoran çarpayının, divanın və digər mebellərin altına asanlıqla daxil olub yığılan tozu sovurur. Cihazı işə salmaq üçün korpusun üst hissəsində yerləşən güc düyməsinə basın və ya smartfonunuza daxil olun. Robot tozsoranda Wi-Fi Control mövcuddur. Bu isə o deməkdir ki, smartfonunuza xüsusi tətbiq yükləyib cihazı uzaqdan idarə edə bilərsiniz. Tətbiq vasitəsilə tozsoranı işə salmaq və ya təmizliyi dayandırmaq, sovurma gücünü, təmizlik sürətini, suyun sərfiyyatını tənzimləmək olar.
Batareyanın enerjisi 2 saat 30 dəqiqə ərzində fasiləsiz təmizlik üçün nəzərdə tutulub. Bu isə 150 m2 sahənin təmizlənməsi üçün kifayətdir. Tozsoranın yığdığı toz və zibil qırıntıları 200 ml toz konteynerinə toplanılır. Konteyneri boşaltmaq üçün onu korpusdan çıxardın. Yan hissədə yerləşən düymə qapağı açır. Daha sonra yığılan tullantıları boşaldıb konteyneri su altında yaxalayın.
SAMSUNG VR05R5050WG/EV intellektual sensor sistemi ilə təchiz edilib. Bu sistem ağıllı və təhlükəsiz təmizliyi təmin edir. Giroskop vasitəsilə cihazın hərəkəti idarə edilir. Tozsoran divarlara yaxınlaşanda Anti-Collision sensoru onun sürətini azaldır. Anti-drop sensoru isə tozsoranın pilləkəndən düşməsinin qarşısını alır.
