Kontakt Home notbuklar modellərinin parametrləri ilə tanış olmağı təklif edir. HP Pavilion 15-EG0087 UR FreeDOS əməliyyat sistemi üzərində işləyir. Prosessor Intel Core i7-dir.

HP Pavilion 15-EG0087 UR yığcam ölçüləri, yüngül çəkisi və inanılmaz məhsuldarlığı ilə seçilir. Beləliklə, onu asanlıqla istədiyiniz yerə özünüzlə aparıb iş və ya təhsiliniz üçün istifadə edə bilərsiniz.

Görünüş və İnterfeys

HP Pavilion 15-EG0087 UR premium kateqoriyalı notbuklara aiddir. Korpus və klaviatura gümüşü rəngdə təqdim edilib. Ekranın çərçivəsi isə qara rəngdədir. Yan hissələrdə lazım ola bilən bütün girişlər mövcuddur. Sol tərəfdə HDMI 2.0, USB Type-C, USB Type-A, qulaqlıq və mikrofon üçün birləşdirilmiş girişlər, microSD kart üçün slot mövcuddur. Sağ tərəfdə isə USB Type-A, adapterin naqili və Kensington Nano qıfılı üçün girişlər var. Sərgilərdə və ya müxtəlif tətbirlərdə tez-tez iştirak edirsinizsə Kensington Nano qıfılı sizin üçün çox faydalı olacaqdır. Onun köməkliyi ilə ictimai yerlərdə notbukdan təhlükəsiz şəkildə istifadə edə biləcəksiniz.

Notbuk 15.6” düymlü FullHD IPS displeyə malikdir. Parlaqlıq 250 nit təşkil edir. Əks parıltı örtüyü sayəsində gecə lampasının yanında işləyə biləcəksiniz. Displeyin üst hissəsində HP Wide Vision 720p HD kamera və ətrafında 2 ədəd mikrofon yerləşdirilib. Mətnlərlə sürətli işləyə bilməyiniz üçün HP notbuku rahat klaviatura ilə təchiz edilib. Sağ tərəfdə yerləşən rəqəmsal klaviatura isə cədvəllərlə bağlı tapşıqların yerinə yetirilməsində sizə kömək edəcəkdir.

Məhsuldarlıq və Avtonomluq

HP notbuku yüksək məhsuldarlığı ilə digər modellərdən fərqlənir. Intel Core i7 prosessoru sayəsində tapşırıqlarınızın sürətli yerinə yetirilməsində bu model sizin ən etibarlı köməkçiniz olacaq. Operativ yaddaş 8 GB, SSD isə 256 GB təşkil edir. Cihaz FreeDOS əməliyyat sistemi üzərində işləyir.

Batareyanın tutumu 8 saat fasiləsiz istifadə üçün kifayət edəcək. Notbuk sürətli enerji yığmanı dəstəkləyir. Cəmi 45 dəqiqə ərzində onun enerjisini 0%-dan 50% qədər bərpa etmək mümkündür. Notbuku 100% qədər şarj edib film seyr etməkdən, musiqi dinləməkdən həzz alacaqsınız. 2 ədəd dinamiklər və B&O audio sistemi ilə təchiz edilən cihaz güclü səsə malikdir.