Nokia şirkəti retro dizaynı və müasir smartfonu birləşdirib istifadəçilərinə yeni Nokia 2720 Flip telefonunu təqdim etdi. Smartfonun arxa korpusu möhkəm plastikdən hazırlanıb və boz rəngindədir. Xarici displey 1.3" düymlüdür, üzərində tarix və saat əks edilir. Daxili displey 2.8" düymlüdür. 240 x 320 ekran həlli sayəsində kontent asanlıqla oxunur. Görüntü aydın və dəqiqdir. İri düymələr rahat istifadəni təmin edir. Düymələrin işıqlandırılması sayəsində gecə vaxtı cihazdan isifadə edərkən çətinlik çəkməyəcəksiniz.
Nokia 2720 Flip modeli 4G və Wi-Fi dəstəkləyir. Smartfonda WhatsApp, Facebook, YouTube tətbiqləri və brauzer mövcuddur. Beləliklə, internet vasitəsilə messencerlərdən istifadə edə, sosial şəbəkələrinizi izləyə, xəbər lentini oxuya bilərsiniz. Əlavə olaraq, Nokia 2720 Flip interneti modem kimi paylaya bilir. Notbukunuzu smartfonun 4G internetinə birləşdirib Wi-Fi olmayan yerlərdən işləyin.
1500 mAh həcmli batareya sayəsində smartfon 3-5 gün ərzində təkrar enerji toplamadan işləyə bilər. Bu model gün ərzində çoxlu zənglər edən işgüzar adamlar üçün ideal seçim olacaq. Smartfon eyni anda 2 NanoSIM və 1 microSD kartın işini dəstəkləyir. Beləliklə, mövcud 4 GB daxili yaddaşı asanlıqla artıra bilərsiniz.
Korpusda qulaqlıq üçün giriş mövcuddur - istənilən musiqini smartfona yükləmək olar. Əlavə olaraq telefona Bluetooth qulaqlıqlar da birləşir. Şəkillərin yaradılması üçün cihaz 2 meqapikselli kamera ilə təchiz edilib.