Soyuq fəsillərdə evinizi isidən və həftənin 7 günü, günün 24 saatı isti su ilə təmin edən kombi sistemi axtarırsınız? Seçiminizi üstünlükləri ilə isifadəçilərinin etibarını qazanan Demir Dokum Nitron plus HK 24 modelində dayandırın. Yığcam ölçüləri cihazın çətin yerlərdə quraşdırılmasını mümkün edir. Ağ rəngdə korpus minimalizm üslublunda təqdim edilib. İdarəetmə paneli qara qapaqla örtülüb. Bu da, cihazın təmiz saxlanılmasını asanlaşdırır.
Panel iri LED displey ilə təchiz edilib. İşıqlandırma sayəsində zəif işıq şəraitində temperaturu rahat tənzimləyə bilərsiniz. Ekranın sağ tərəfində isitmə sisteminin temperaturu, sol tərəfdə isə gündəlik istifadə üçün nəzərdə tutulmuş suyun temperaturu əks edilir. Hər iki göstəricini ehtiyaclarınıza əsasən dəyişmək olar. Kombi sistemi qış və yay rejimində işləyir. Yay rejimində yalnız şəxsi istifadə üçün lazım olan suyun isidilməsi təmin edilir. Qış rejimində əlavə olaraq isitmə sistemi işə salınır. Əlavə olaraq cihazda Eco rejimi mövcuddur. Bu rejim seçiləndə kombi təyin edilən temperaturu avtomatik olaraq saxlayıb elektriki qənaətli sərf edir.
Cihaz 24 kvt isitmə gücünə sahibdir və otaqlarınızın effektiv isidilməsini təmin edəcək. Demir Dokum Nitron plus HK 24 modeli bağlı tipli yanma kamerasına sahibdir. Bu o deməkdir ki, yanma üçün lazım olan hava güclü ventilyator vasitəsilə çöldən daxil olur. Eyni zamanda yanma nəticəsində əmələ gələn qaz həmin sistem vasitəsilə çölə çıxarılır. Bu da təhlükəsizliyinizi təmin edir.
Məhsul mövcuddur 
