iPhone 13 Pro Max 6.7 düymlü OLED ekranla təchiz edilib. 12 meqapikselli böyüdülmüş kameralar parlaq və detallı şəkillər yaradır. Smartfon 4373 mAh həcmli batareyaya sahibdir.
iPhone 13 Pro Max daha güclü kameralar, daha parlaq displey, daha sürətli çip və daha tutumlu batareya deməkdir. Ən güclü iPhone sahibi olmaq istəyirsinizsə seçiminizi yeni Pro Max modellərində dayandırın.
Görünüş
Smartfon yeni Alpine Green rəngində mövcuddur. Ön panel kimi arxa panel də şüşədən hazırlanıb. Əlavə möhkəmliyi təmin etmək üçün ön panel innovativ Ceramic Shield materialı ilə örtülüb. Beləliklə ekranın zərbələrə davamlılığı 4 qat artırılıb. Parlaq poladdan hazırlanan çərçivə sayəsində smartfonu əlinizdə tutub istifadə etməkdən həzz alacaqsınız. IP68 qorunma dərəcəsi sayəsində 13-cü Pro Max yağışdan qorxmur. Onu təsadüfən suya 2.5 metr dərinliyinə salsanız belə korpus su keçirməyəcək. 6.7 düymlü Super Retina XDR displey videoların rahat izlənilməsi üçün ideal ölçülərə sahibdir. Ən əsası, baxış zamanı üst hissədə yerləşən TrueDepth kamerası və dinamik diqqətinizi kontentdən yayındırmayacaq. Yeni iPhone modellərində "bangs" hissəsi 20% daha yığcam olub.
Məhsuldarlıq və Avtonomluq
Smartfonun daha sürətli və məhsuldar etmək üçün Apple brendi onu A15 Bionic çipi ilə təchiz edilib. A15 mərkəzi və qrafik prosessorlarını sürətləndirib, yeni kameraların işini idarə edir, görüntünün keyfiyyətli təsvir edilməsini və enerjinin səmərəli sərf edilməsini təmin edir. Sadalanan funksiyaların rahat yerinə yetirilməsi üçün 6 GB operativ yaddaş təqdim edilib. iPhone 13 Pro Max 4352 mAh həcmli batareya ilə təchiz edilib. Gün ərzində smartfondan aktiv istifadə edib, onlayn video izləyib oyun oynasanız belə smartfonun enerjisi günün sonunadək tükənməyəcək.
Ekranın parlaqlığı artırılsa belə ProMotion texnologiyası və yeni çipin köməkliyi ilə batareyanın enerjisi qənaətli sərf edilir. Beləliklə, HD keyfiyyətində video izləyəndə və ya xəbər lentini sürətli sürüşdürdüyünüz zaman ekran tezliyi 120 Hz qədər artırılır. Nəticədə detallı görüntü və hamar keçidlər əldə edilir. Lakin, adi istifadə rejiminə qayıdan kimi tezlik 10 Hz qədər enir.
Kameralar
iPhone 13 Pro Max 256 GB kamera blokuna telefoto, ultra geniş və geniş bucaqlı kameralar daxildir. Hər bir kamera "Gecə" rejiminin işini dəstəkləyir. Smartfon vasitəsilə günün istənilən vaxtı dəqiq və detallı kadrlar əldə edilir. Kameralar rəngləri təbii və real ötürür. Nəticədə hər bir kadr canlılığı ilə seçilir. Optik stabilizasiya hərəkət etdiyiniz zaman sabit foto və videolar çəkmək üçün imkan yaradır. Ultra geniş bucaqlı kamera təkmilləşdirilmiş avtofokus sisteminə sahibdir. Artıq istənilən obyekti 2 sm ara məsafəsi ilə çəkmək mümkündür. 13-cü Pro Max ilə makrofotoların gözəlliyini kəşf edəcəksiniz. Yenilənmiş kamera ilə makro rejimində videoçəkiliş edə biləcəksiniz.
iPhone 13 Pro Max ilə əsl film yaratmaq mümkündür. Bunun üçün yeni "Kinoeffekt" rejimindən faydalanın. Artıq peşəkar rejissorların istifadə etdiyi effektləri videolarınıza tətbiq edəcəksiniz. Sözügedən rejimin köməkliyi ilə çəkiliş zamanı arxa fonu bulanıq edib izləyicinin diqqətini çəkiliş obyektində cəmləmək olar. Kadra ikinci obyekt daxil olan kimi kamera avtomatik olaraq fokusu ona yönləndirəcək. Daha sonra yaratdığınız videoları ProRec formatında redaktə edib paylaşa bilərsiniz. Ən əsası isə, bütün əməliyyatları yerinə yetirmək üçün videonu kompüterə göndərməyə ehtiyac qalmır. Videoları asanlıqla smartfonda redaktə etmək mümkündür.
Daha bir yenilik - "Photographyc styles" şablonları. Bu şablonların köməkliyi ilə çəkilən şəkilləri daha parlaq və kontrastlı etmək mümkündür. Eyni zamanda dəri tonunun təbii rəngi saxlanılır. Nəticədə şəkil daha parlaq və real alınır.
