iPhone 13 Pro qiyməti və xüsusiyyətləri ilə tanış olun. Böyüdülmüş kameralar keyfiyyətli şəkillər çəkir. 1TB daxili yaddaş sayəsində daha çox saxlama yeri əldə edirsiniz.
Özündə peşəkar fotoapparatın və sürətli kompüterin imkanlarını birləşdirən iPhone 13 Pro smartfonunu qarşılayın. Apple brendinin təqdim etdiyi yeni smartfon məhsuldarlığı, funksionallığı və tutumlu batareyası ilə seçilir.
Görünüş və Ekran
Cihazın gövdəsi Alphine Green rəngindədir. Yaşıl rəngi sevirsinizsə, smartfonun görünüşü sizi heyran edəcək. Hamar arxa panel möhkəmləndirilmiş şüşədən hazırlanıb. Ön paneli zərbələrdən Ceramic Shield qoruyur. IP68 qorunma dərəcəsi sayəsində yeni iPhone Pro sudan qorxmur. 6.1 düymlü Super Retina XDR displey ProMotion texnologiyasının işini dəstəkləyir. Günün istənilən vaxtı və ətrafınızdakı işıqlandırmadan asılı olmayaraq parlaq, detallı görüntü ilə təmin ediləcəksiniz. Displeyin üst hissəsində "bangs" hissəsi daha yığcam olub. Nəticədə, daha çox kontent əldə edilir və diqqətiniz görüntüdən yayılmır.
Məhsuldarlıq və Avtonomluq
Yeni smartfon ən güclü Apple A15 Bionic çipi üzərində işləyir. Nəticədə qrafik prosessor qrafikanı 50% daha sürətli emal edir. Ən çətin proseslər yerinə yetirilərkən batareyanın enerjisi effektiv sərf edilir. A15 çipi hətta kamera sisteminin imkanlarını genişləndirib. Bundan başqa, çip FaceID sisteminin işini təkmilləşdirib məlumatlarınızın təhlükəsizliyini təmin edir.
iPhone 13 Pro ilə daha çox iş yerinə yetirəcəksiniz. Funksionallığı ilə yanaşı smartfon tutumlu batareya ilə təchiz edilib. Günün sonunadək cihazı şarj etməyə ehtiyac qalmayacaq. Yeni iPhone modelinin daxili yaddaşı artırılıb və 1 TB təşkil edir. Əməliyyat sistemi yeni iOS 15-dir. Bu sistemə daha çox ünsiyyət, GPS, süni intellektə aid funksiyalar əlavə edilib. SharePlay funksiyası ilə dostlarınızla FaceTime vasitəsilə söhbət edərkən video izləyə, musiqi dinləyə, ekran görüntünüzü bölüşə bilərsiniz. Mikrofona əlavə edilən rejimlər sayəsində ətrafınız səs-küylü olsa belə səsiniz aydın ötürüləcək.
Kameralar
iPhone 13 Pro smartfonunun kameraları böyüdülüb. Arxa paneldə 77 mm telefoto, ultra geniş və geniş bucaqlı kameralar, Lidar skaneri və fləş yerləşdirilib. Ön paneldə FaceID sisteminin işini təmin edən və mükəmməl selfilər yarada bilən TrueDepth kamerası mövcuddur. A15 Bionic çipi sayəsində kameraların imkanları sərhədsizdir. Zəif işıq şəraitində çəkiliş aparmaq lazım olduğu halda Deep Fusion texnologiyası köməyinizə çatacaq. Neural Engine sistemi ilə birlikdə Deep Fusion müxtəlif ekspozisiyalarda çəkilən şəklin hər bir pikselini analiz edir. Daha sonra qüsursuz alınan hissələr bir kadra cəmlənir. Nəticədə, ən xırda detalların belə əks edildiyi şəkil əldə edəcəksiniz.
"Smart HDR 4" rejimi kadrı hissələrə bölüb hər birini individual olaraq optimallaşdırır. Bu texnologiya daha çox qrup şəklində olan şəkillər üçün istifadə edilir. Neural Engine maşın öyrənməsi sisteminin köməkliyi ilə kadra düşən hər bir nəfər üçün parlaqlıq, kontrast və dəri tonu ayrı tənzimlənir. "Smart HDR 4" parlaq və təbii şəkillər əldə edəcəksiniz.
Video çəkiliş prosesini yeni səviyyəyə qaldıran texnoloqiya "Kinoeffekt" rejimidir. Bu rejim vasitəsilə filmlərin yaradılmasında istifadə edilən effektləri videolarınıza tətbiq edə biləcəksiniz. Çəkiliş zamanı və ya çəkilişdən sonra arxa fona bulanıq effekti tətbiq edib obyekti ön plana çıxartmaq mümkündür. Kadra yeni obyekt düşən kimi fokus avtomatik yeni obyektə yönləndirilir.