iPhone 11 64 GB Red

Apple brendinə məxsus smartfonlar mükəmməl dizaynı, geniş imkanları və peşəkar kameraları ilə seçilir. Parlaq qırmızı rəngdə təqdim edilən iPhone 11 funksionallığı sayəsində istifadəçiləri tərəfindən yüksək qiymətləndirilib.

Dizayn və Displey

Möhkəm şüşə ilə örtülən arxa panel və alüminium çərçivə sayəsində smartfon dəbli görünüşə sahibdir. Korpus güclü su sıçramalarına davamlıdır. Beləliklə, qəfildən başlayan yağış iPhone üçün qorxulu deyil. Cəmi 194 qram çəkisi sayəsində telefonu uzun müddət əlinizdə tutmaqdan yorulmayacaqsınız. Ekranın üst hissədində sizi bənzərsiz selfilərlə təmin edən 12 meqapikselli kamera mövcuddur. Ön kameranın yanında telefonu təhlükəsiz şəkildə blokdan çıxaran FaceID sensoru yerləşdirilib. 6.15 düymlü ekran görüntünü aydın və detallı təsvir edir. TrueTone texnologiyası rəng çalarlarını ətrafınızdakı işıqlandırmaya əsasən tənzimləyə bilir.

Prosessor və Batareya

Keçmiş modellərlə müqayisədə iPhone 11 smartfonu 20% daha sürətli A13 Bionic çipi üzərində işləyir. Sözügedən çip cihazın məhsuldarlığını artırıb. İşinizlə əlaqədar olaraq gün ərzində WhatsApp vasitəsilə mesaj göndərmək, e-mail yoxlamaq, fayl qəbul edib göndərmək lazımdırsa iPhone 11 modelini sizin üçün çox faydalı olacaq. Əlavə olaraq smartfon vasitəsilə əyləncə düynasina qatılacaqsınız. Apple Music tətbiqi ilə sevdiyiniz ifaçının yeni mahnılarını dinləyə, istənilən müasir oyunun detallı qrafikasından zövq ala bilərsiniz. Təqdim edilən 64 GB daxili yaddaş sayəsində isə lazım ola bilən bütün vacib məlumat əlinizin altında olacaq.

Məhsuldarlığı ilə yanaşı smartfonun avtonom işləmə müddəti də artırılıb. 3110 mAh həcmli batareya ilə iPhone 11-i günün sonunadək şarj etmək lazım olmayacaq. Daim hərəkətdə olan insanlar üçün bu yenilik çox əlverişlidir.

Kameralar Bloku

iPhone smartfonuna çəkilən şəkillər təbii rəngləri və dəqiqliyi ilə seçilir. Bunun səbəbi arxa paneldə yerləşən kamera blokudur. Peşəkar kameralar “Gecə” rejiminin işini dəstəkləyir. Nəticədə iPhone zəif işıq şəraitində detallı şəkillər yarada bilir. Arxa fonun bulanıq effekti üçün “Portret” rejimi təqdim edilib. Artıq Boke effekti üçün cihaza əlavə tətbiq yükləməyə ehtiyac qalmır. Kamera bu effekti çəkiliş zamanı avtomatik tətbiq edir. Təkmilləşdirilmiş stabilizasiya sayəsində kameralar 4K keyfiyyətində videolar yarada bilir. Hərəkət edən obyektləri çəksəniz belə görüntünün stabilliyi saxlanılır.