Apple Watch Kontakt Home onlayn mağazasında Green rəngində mövcuddur. Yaşıl korpus alüminiumdan hazırlanıb və WR50, IP6X qorunma dərəcələrinə sahibdir.

Apple Watch 7 daha funksional WatchOS 8 əməliyyat sistemi üzərində işləyir. Möhkəm korpus suya və toza qarşı davamlıdır. Yeni məşqlər sayəsində idmanla məşğul olduğunuz zaman itirilən kalorilər dəqiq hesablanacaq.

Görünüş

Seçilməyi sevirsinizsə seçimi yaşıl rəngdə olan korpusda dayandırın. Apple Watch 7 parlaq Retina displeyə sahibdir. Ekranın çərçivəsi Series 6 modelləri ilə müqayisədə 40% nazik olub. Nəticədə, ekranda daha çox məlumat əks edilir. Ən əsası isə, korpusun ölçüləri eyni qalıb. Ekranın böyüdülməsi sayəsində düymələrin ölçülərini daha iri etmək mümkün olub. Kalkulator, taymer kimi tətbiqlərdən asanlıqla istifadə edəcəksiniz. Məşq zamanı isə displeydə daha çox göstəricini izləmək mümkündür. Bundan başqa displey hər zaman işıqlandırılır. İstədiyiniz məlumata baxmaq üçün ekrana toxunmaq və ya qolunuzu qaldırmaq lazım olmayacaq.

Series 7 saatının gövdəsi zərbələrdən, tozdan və sudan etibarlı şəkildə qorunur. Ekranı örtən şüşənin qalınlığı 50% artırılıb. Bu da onu cızıqlara və çatlara davamlı edib. Apple Watch ilə asanlıqla dənizdə və ya hovuzda üzmək olar. WR50 sayəsində saat suyun altında 50 metr dərinliyində işləməyə davam edəcək. IP6X qorunma dərəcəsi cihazı toza davamlı edir. Çimərlik voleybolu çempionatına qatılsanız belə saatınızın korpusu toz keçirməyəcək.

Məhsuldarlıq və Funksiyalar

Apple Watch Series 7 inanılmaz motivasiya deməkdir. Sağlam qalmaq istəyirsinizsə təqdim edilən məşqlərdən birini seçib idmana başlayın. Bütün fiziki göstəricilər iri displeydə əks ediləcək. Yeriş, qaçış, velosiped, pilates, snoubord və s. Zövqünüzə uyğun idman növünü asanlıqla tapacaqsınız. Apple Watch ilə idmanla məşğul olmaq, hərəkətdə qalmaq üçün hər zaman motivasiyanız olacaq. Bunun üçün saatda Activity halqaları mövcuddur. Hərəkət, sərf edilən kalori miqdarı və məşq halqaları gün ərzində fiziki fəaliyyətinizi nümayiş edir.

Korpusun arxa hissəsində yerləşən sensorların köməkliyi ilə qanda oksijenin miqdarını, ürək döyüntüsünü izləyə biləcəksiniz. “Yuxu” tətbiqi vasitəsilə isə yuxunuzun müddəti qeyd edilir. Nəticədə, yuxu rejiminizi tənzimləyə biləcəksiniz. Nəfəs məşqləri gün ərzində yığılan stressdən azad olmağa kömək edir.

Saatı tez şarj edib vacib göstəriciləri izləməyə davam edə bilməyiniz üçün batareya təkmilləşdirilib. Artıq enerjini 0%-dan 80 % qədər yığmaq üçün Apple Watch 7 üçün cəmi 45 dəqiqə vaxt lazımdır. 8 saat ərzində yuxunuzu izləyə bilməsi üçün isə cihazı 8 dəqiqə şarj etməyiniz kifayətdir.

Daha geniş imkanlara sahib olmaq üçün saatı iPhone smartfonuna birləşdirin. Apple Watch 7 vasitəsilə zəng edə və zənglərə cavab verəcəksiniz. Smartfona gələn bütün mesajlar saatda əks ediləcək. Böyük displeydə mesaji asanlıqla oxuya və həmin an cavab yaza bilərsiniz. Bundan başqa App Store köməkliyi ilə saat üçün yaradılmış tətbiqləri yükləyib cihazın funksionallığını artırmaq olar.