Apple iMac M1 çipi üzərində işləyir. Kontakt az saytında cihaz yaşıl rəngdə təqdim edilib. 24” düymlü displey TrueTone texnologiyasını dəstəkləyir. SSD 256 GB-dır.
Evinizdə iş kabineti yaratmaq istəyirsiniz? iMac 24 monobloku ilə daha çox tapşırıq yerinə yetirəcəksiniz. Güclü prosessor cihazın məhsuldarlığını və sürətini artırıb. Böyük displey eyni zamanda bir neçə tətbiqlərdən istifadə edə bilməyiniz üçün imkan yaradır.
Görünüş
iMac 24 pastel yaşıl rəngdə təqdim edilib. Monoblokun korpusu alüminiumdandır, displey və ön panelin alt hissəsi isə möhkəm şüşə ilə örtülüb. Yan tərəfdə qulaqlıq üçün 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C, 2 ədəd Thunderbolt 3 girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.46 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.
Apple iMac 24 səsi güclü və təmiz təsvir edir. Bunun səbəbi 6 ədəd dinamikdən ibarət akustik sistemindədir. Monoblok Dolby Atmos texnologiyasını dəstəkləyir. Beləliklə, sevdiyiniz musiqini dinləyəndə, yeni çıxan filmləri izləyəndə dərin “baslar”-dan həzz alacaqsınız.
Displey
Monoblok parlaq Retina displeylə təchiz edilib. Görüntünün keyfiyyəti 4.5K qədər artıb. Nəticədə, xırda detallar belə nəzərinizdən qaçmayacaq. Geniş rəng çalarları və True Tone texnologiyası sayəsində hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.
Video zənglər zamanı daim mükəmməl görünməyiniz üçün displeyin üst hissəsinə FaceTime HD 1080p kamerası yerləşdirilib. Neural Engine sistemi və M1 çipinin alqoritmləri ekspozisiyanı, ağ rəngin balansını təkmilləşdirərək görüntünün keyfiyyətini artırır. Cihazda 3 ədəd mikrofon yerləşdirilib. Beləliklə, həmsöhbətiniz ətrafınızdakı səs-küyü yox sizi eşidəcək.
Məhsuldarlıq
Apple iMac 24 M1 çipi sayəsində daha geniş imkanlara malikdir. Yeni çip mərkəzi və qrafik prosessorlarını daha sürətli edib. Ən əsası isə, M1 çipi çətin tapşırıqların öhdəsindən gələ bilir. Nəticədə, FinalCut 10, Xcode və s. kimi tətbiqlərdə işlədiyiniz zaman belə cihazın gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.
Yeni iMac modeli iPhone və iPad üçün nəzərdə tutulan tətbiqləri asanlıqla işə salır. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.